08:23, 28 - تامىز 2017 | GMT +6
باس سۇيەكتەرمەن بەزەندىرىلگەن ءۇي كورشىلەردىڭ زارەسىن الدى - فوتو
استانا. قازاقپارات - مينسك ماڭىندا جەرگىلىكتى تۇرعىن ايماقتاعى بارلىق كورشىلەرىن ۇرەيلەندىرەتىن ءۇي تۇرعىزدى، دەپ جازادى لەنتا. رۋ.
ادامداردى ۇرەيلەندىرەتىنى ءۇيدىڭ اينالاسىنا ادامنىڭ باس سۇيەكتەرى ورناتىلىپ، شاتىردان قولدار مەن جىن- شايتاندار كەيىپتەرى سالبىراپ تۇرادى.
كورشىلەردىڭ ايتۋىنشا، باستاپقىدا ءۇي ادەتتەگىدەي قاراپايىم بولعان. ۋاقىت وتە كەلە، ودان باس سۇيەكتەر مەن قولدار «ءوسىپ شىعىپ»، ماڭىنان وتكەن ەرەسەكتەردىڭ ءوزى ۇركەتىن جاعدايعا جەتكىزگەن.
ءبىر قىزىعى ءۇي يەسىنىڭ ءدال وسىنداي كەسكىندەمەلەرمەن بەزەندىرىلگەن كولىگى دە بار بولىپ شىقتى.
بۇل ءۇيدى قوجايىنى ون جىل بۇرىن سالىپ باستاعان. جەرگىلىكتى تۇرعىندار كورشىلەرىنىڭ بۇل شەشىمىنە نارازىلىق تانىتىپ، جەرگىلىكتى بيلىككە بىرنەشە رەت شاعىمدانىپ كورىپتى. الايدا ولار ءۇي جەكە يەلىكتە بولعاندىقتان، يەسىنىڭ كەلىسىمىنسىز بيلىك ەشتەڭە ىستەي المايتىندىقتارىن ايتقان.