استانادا قۋلىقپەن پايدا تاپقان تاكسيستەر جۇمىستان شىعارىلادى
facebook قولدانۋشىسى ارمان ءابدىراسىلوۆ الەۋمەتتىك توپتاردىڭ بىرىندە ەسەپتەگىشپەن جۇمىس ىستەۋدى قالامايتىن ءبىرىڭعاي تاكسي قىزمەتى جۇرگىزۋشىلەرىنە شاعىمدانعان بولاتىن. ول جازباسىندا ەسەپتەگىشتىڭ ءتىپتى جوقتىعىن العا تارتقان. «ايتىلعان فاكتىلەردىڭ تىركەلۋى ابدەن مۇمكىن. بۇل ءبىزدىڭ اتقارىپ جاتقان جۇمىستارىمىزعا قايشىلىق تۋدىرادى. جالپى العاندا، ءبىز بۇگىن ASTANA TAXI جۇمىسىندا كەمشىلىكتەردىڭ بار ەكەندىگىن مويىندايمىز. سوندىقتان دا قىزمەت كورسەتۋ ساپاسىن جاقسارتۋ بويىنشا جۇمىستار كۇن سايىن جۇرگىزىلەدى» ، - دەپ جاۋاپ بەردى مەدەت قۇرمانوۆ. ونىڭ ايتۋىنشا، جۇرگىزۋشىلەر كومپانيانىڭ ەرەجەلەرى مەن تالاپتارىن ءوز بەتىنشە ەلەگىسى كەلمەي، ءتاريفتى قىمباتتاتىپ، تاكسومەترلەردى قوسپاي جاتادى. «ولاردى جۇمىستان بوساتۋعا دەيىنگى قاتاڭ شارالار قولدانىلادى، ءبىراق بارلىق كليەنتتەردىڭ ويى ءبىر جەردەن شىقپاۋى دا مۇمكىن. ال كەيبىر كليەنتتەردىڭ وزدەرى بەلگىلەنگەن تاريف بويىنشا ءجۇرۋدى قالايدى. مۇنداي فاكتىلەر انىقتالعاننان كەيىن بىردەن حابارلانۋى كەرەك» ، - دەدى قۇرمانوۆ.
استانا قالالىق تاسىمالداۋشىلار قاۋىمداستىعىنىڭ ءتوراعاسىنىڭ ايتۋىنشا، بۇگىنگى تاڭدا ءبىرىڭعاي تاكسي قىزمەتىندە 8 تاكسوموتورلىق كومپانيا بار، سوندىقتان جۇرگىزۋشىلەرگە باقىلاۋدى تاكسوپاركتەردىڭ وزدەرى جۇرگىزەدى. بۇعان قوسا قۇرمانوۆ باسقالاردان گورى رەسمي تاسىمالداۋشىلاردىڭ قىزمەتى نەلىكتەن قىمبات ەكەنىن ءتۇسىندىردى. «بىرىنشىدەن، ول قىزمەتتەردىڭ قاۋىپسىزدىگى مەن ساپاسىن تالاپ ەتۋگە بولاتىن، ادىلەت دەپارتامەنتىندە تىركەلىپ، جولاۋشىلاردى تاسىمالداۋ ءۇشىن رۇقسات العان ناقتى كومپانيا بولىپ تابىلادى. جولاۋشىلار جول اپاتى تىركەلگەن جاعدايدا (دەنساۋلىعىنا نەمەسە قۇندى زاتتارىنا كەلتىرىلگەن زيان ءۇشىن وتەماقى الا الادى) ساقتاندىرىلعان. تاكسي ورتالىعىندا پايدالانعانىنا 2-5 جىل بولعان كولىكتەر قىزمەت كورسەتەدى» - دەيدى مەدەت قۇرمانوۆ.
ايتا كەتەرلىگى، « ASTANA TAXI» ءبىرىڭعاي تاكسي قىزمەتى 2017 -جىلدىڭ مامىر ايىندا ەنگىزىلگەن. قىزمەت جەكە كومپانيالاردىڭ ينۆەستيتسيالارى مەن استانا قالاسى اكىمدىگىنىڭ مەملەكەتتىك قولداۋ ەسەبىنەن جۇزەگە اسىرىلادى.
اۆتور: ايان بەكەن ۇلى
