قازاقستان رەسەيدە قارۋدىڭ زاماناۋي ۇلگىلەرىن تانىستىردى
بۇل تۋرالى ق ر قورعانىس جانە اەروعارىش ونەركاسىبى مينيسترلىگىنىڭ باسپا ءسوز قىزمەتى مالىمدەدى.
قورعانىس جانە اەروعارىش ونەركاسىبى ءمينيسترى بەيبىت اتامقۇلوۆ پەن قورعانىس ءمينيسترى ساكەن جاسۇزاقوۆ باستاعان قازاقستاندىق دەلەگاتسيا فورۋمنىڭ سالتاناتتى اشىلۋىنا قاتىستى. ءىس- شارا باسىندا دەلەگاتسيا وكىلدەرى فورۋمدا تانىستىرىلعان زاماناۋي اسكەري تەحنيكالار مەن جابدىقتاردى تاماشالادى.
بۇل شاراعا قازاقستاندىق قورعانىس- ونەركاسىپ كەشەندەرى (ق و ك) ءبىرىنشى رەت قاتىسىپ وتىر.
«ۇلتتىق كورمە ەكسپوزيتسياسىن «قازاقستان ينجينيرينگ» ۇلتتىق كومپانياسى» اق قۇرامىنا كىرەتىن «كاە»، ج ش س، «س. م. كيروۆ اتىنداعى زاۋىتى» ا ق، «تىنىس» ا ق جانە «سەمەي ينجينيرينگ» ج ش س وكىلدەرى تانىستىردى. بۇدان بولەك كورمەگە «قازسپەتسەكسپورت» ر م م، «405 اۆيارەمونتنىي زاۆود» ا ق، سونىمەن قاتار قورعانىس ونەركاسىبى كەشەنىنىڭ ءبىرقاتار كومپانيالارى قاتىستى»، - دەلىنگەن حابارلامادا.
200 شارشى مەترلىك قازاقستاندىق كورمە الاڭىندا وتاندىق كومپانيالار 60 تان اسا اسكەري قۇرىلعىلاردىڭ ۇلگىسىن كورسەتتى. قازاقستاندىق ەلەكتروندى- وپتيكالىق ءونىم شىعاراتىن «كاە» ج ش س راديوبايلانىستىڭ كاسىبي قۇرالدارىن، ينفراقىزىل لينزالار، «سارپ» الىستان باسقاراتىن اسكەري مودۋلىن، تۇندە جانە كۇندىزگى نىسانالاۋشى، ەلەكتروندىق پلاتالار تانىستىرىلدى.
