ماماندار ءۇي روبوتتارى ءوز يەلەرىنە قاستاندىق جاساۋ مۇمكىندىگى بارىن انىقتادى
بۇل تۋرالى Bloomberg حابارلادى.
زەرتتەۋشىلەر وسى ماسەلەنى انىقتاۋ ءۇشىن قىتايدىڭ UBTech Robotics كومپانياسى شىعاراتىن Alpha 2 روبوتىن بۇزىپ، كەيىن ونى بۇراۋىشپەن قىزاناققا تىعىپ الۋعا ماجبۇرلەگەن.
The Verge جۋرناليستەرى اتاپ وتكەندەي، روبوتتاردىڭ كولەمى شاعىن بولعاندىقتان، وزىنەن ۇلكەندەرگە قاۋىپ كەلتىرمەيدى. الايدا، Alpha 2 كىشكەنتاي سابيگە نەمەسە ءۇي جانۋارىنا قاستاندىق جاساۋعا قاۋقارى جەتەدى.
مۇنداي وسالدىق جاپونيانىڭ Softband Group Corp كومپانياسى شىعاراتىن NAO جانە Pepper روبوتتارىنان، Universal Robots - تىڭ ونەركاسىپتىك ۇلگىلەرىنەن تابىلدى.
SoftBank وكىلى ۆينسەنت سامۋەل كومپانيانىڭ IOActive زەرتتەۋىنەن حاباردار ەكەندىگىن جانە مامانداردىڭ تاپقان ماسەلەسىن شەشكەنىن مالىمدەدى. IOActive قاۋىپسىزدىك ماسەلەلەرى جونىندەگى باس كەڭەسشىسى لۋكاس اپا بۇل اقپاراتتى جوققا شىعارمادى، راستامادى دا.
«بۇگىندە اقپاراتتىق يندۋستريا قارقىندى دامىپ، ادامزات يگىلىگى ءۇشىن قىزمەت ەتۋدە. الايدا ءبىز قاۋىپسىز بولاشاق كۇتىپ تۇرعانىنا سەنىمدى بولۋىمىز كەرەك»، - دەپ اتاپ ءوتتى لۋكاس اپا.
