سولتۇستىك كورەيا باسشىسى زىمىران وقتۇمسىعى ءوندىرىسىن ۇلعايتۋدى تاپسىردى

استانا. قازاقپارات - ك ح د ر باسشىسى كيم چەن ىن بالليستيكالىق زىمىرانعا ارنالعان وقتۇمسىق پەن قاتتى وتىندى زىمىران قوزعالتقىشى ءوندىرىسىنىڭ كولەمىن ۇلعايتۋ كەرەك دەپ ەسەپتەيدى.

كيم چەن ىن بۇل پىكىردى ۇلتتىق اسكەري عىلىم اكادەمياسى جانىنداعى حيميا ماتەريالدارىن عىلىمي زەرتتەۋ ورتالىعىنا بارعان كەزدە ايتتى، دەپ حابارلايدى تاسس.

«ەلدىڭ جوعارى اسكەري قولباسشىسى ينستيتۋتقا كومىرسۋتەك ماتەريالدارىن پايدالانا وتىرىپ، قاتتى وتىندا زىمىران قوزعالتقىشتارىن جانە بالليستيكالىق زىمىرانعا ارنالعان وقتۇمسىقتى شىعارۋ كولەمىن ارتتىرۋدى تاپسىردى»، - دەپ جازادى اگەنتتىك.

كيم چەن ىن ينستيتۋتتاعى وندىرىستىك پروتسەستەرمەن تانىسىپ، قىزمەتكەرلەردىڭ جۇمىستارىنا جوعارى باعا بەردى.

ايتا كەتەيىك، سولتۇستىك كورەيا وزدەرىنىڭ زىمىران-يادرولىق باعدارلاماسىن بەلسەندى دامىتىپ كەلەدى. پحەنيان ماۋسىم ايىندا ەكى رەت بالليستيكالىق زىمىراندى سىناقتان وتكىزگەن بولاتىن.