باحتيار ارتايەۆ: گولوۆكين مەن «كانەلونىڭ» ايقاسى نوكاۋتسىز اياقتالادى
«ەڭ قۋانىشتىسى، ەلدىڭ كوپتەن كۇتكەن كەزدەسۋى ايتەۋىر بولايىن دەپ جاتىر. جىلدار بويى كۇتكەن ايقاسقا شامالى كۇندەر عانا قالدى. سوندىقتان، تويدىڭ بولارىنان بولادىسى قىزىق دەيدى عوي (كۇلدى) . ويتكەنى، ەكى مىقتى شىققان كەزدە كەي جاعدايدا قىزىق جەكپە- جەك بولمايدى. ماسەلەن، پاكياو مەن مەيۆەزەردىڭ كەزدەسۋىن ەلدىڭ ءبارى اسىعا كۇتتى عوي.. . ەكەۋى شىققان كەزدە (گولوۆكين - كانەلو) ءۇشىنشى، ءتورتىنشى نەمەسە بەسىنشى راۋندقا دەيىن ءبىر- بىرىنەن سەسكەنىپ ءجۇرۋى مۇمكىن. ودان ءارى قاراي ءتورتىنشى جانە بەسىنشى راۋندتا ەكەۋى اشىلادى. قىزىقتىڭ كوكەسى سول كەزدە باستالاتىن سەكىلدى. ويتكەنى، ەكەۋى دە پانچەر. ەكەۋى دە ءبىر- ءبىرىنىڭ شاماسىن بىلە تۇرىپ، اسا ساقتىق تانىتادى. نوكاۋت بولا قويمايدى. بۇل جەردە ەكەۋى دە بىلايشا ايتقاندا، قۇدايى بار جىگىتتەر.. . ايقاس اياعىنا دەيىن بولادى. ۇپاي سانىمەن گەننادي ۇتاتىن سەكىلدى. ءبىراق، جەكپە- جەك بارىسىندا گەنا الۆارەستى ءبىر- ەكى نوگداۋنعا جىبەرۋى كەرەك. ويتكەنى مەن بىلەتىن گەنانىڭ كۇش- قۋاتى مىقتى. ءبىر قاۋىپ بار، گەنا كەل برۋكپەن شىققانداعىداي، قولىن ءتۇسىرىپ، «ۇرساڭ ۇر» دەگەندەي ايقاسقا تۇسسە، الۆارەس پايدالانىپ كەتۋى مۇمكىن. ونداي قاتەلىككە بارماي، ساق بولىپ ءجۇرۋ كەرەك. ۇپاي سانىمەن ۇتپاسا، نوكاۋتقا جىبەرۋ وڭاي بولمايدى» ، - دەدى باحتيار ارتايەۆ.
ەسكە سالايىق، 16 -قىركۇيەكتە گەننادي گولوۆكين مەكسيكالىق بوكسشى ساۋل الۆارەسپەن جۇدىرىقتاسادى. وسى جەكپە- جەكتە الۆارەس GGG ءدىڭ تەك ەكى اتاعى - WBA مەن IBF بەلبەۋلەرى ءۇشىن عانا تالاسادى. گولوۆكين ۇتىلىپ قالسا، ونىڭ تاعى ەكى بەلبەۋى - WBC مەن IBO بوس قالىپ، ونى باسقا بوكسشىلار ءوزارا ساراپقا سالادى. ال قازاقستاندىق بوكسشى جەڭىسكە جەتسە، ءتورت بەلبەۋىنە تاعى The Ring جۋرنالىنىڭ ارنايى بەلبەۋىن قوسىپ الادى. اتالعان باسىلىم ونى ارنايى الۆارەس ءۇشىن شىعارعان بولاتىن. ۋاقىت ايىرماشىلىعىنا بايلانىستى قازاقستاندا جەكپە- جەكتىڭ تىكەلەي كورسەتىلىمى 17 - قىركۇيەكتە تاڭەرتەڭ بولادى.
