22:18, 21 - تامىز 2017 | GMT +5
پەتەربۋرگكە تانكتەر كولونناسى كىرىپ جاتىر
استانا. قازاقپارات - 21- تامىز كۇنى تاڭەرتەڭ پەتەربۋرگتە اسكەري تەحنيكالار كولونناسى پايدا بولدى.
بۇل جايلى «فونتانكا» حابارلايدى.
باسىلىم مالىمەتىنشە، قۇم تۇستەس تانكتەر گۋتۋيەۆ ارالىندا بايقالعان. ولار جۇك پلاتفورمالارى بار ماشينالارمەن جەتكىزىلگەن.
بىرنەشە پلاتفورمالار «سانكت-پەتەربۋرگ تەڭىز پورتى» ا ا ق اۆتوبازاسى اۋماعىنىڭ شىعا بەرىسىنە توقتادى. سونداي-اق، ولار نيەۆەلسكي جانە شوتلاندسكي كوشەلەرىنەن دە بايقالعان.
تانكتەردىڭ بىرىنە ءۇش ءتۇستى تۋ ورناتىلعان. «فونتانكانىڭ» بىرنەشە سۇحباتتاسۋشىلارىنىڭ مالىمەتىنشە، بۇلار پەتەربۋرگكە جوندەۋ ءۇشىن سيريادان اكەلىنگەن.
باسقا مالىمەتتەرگە سۇيەنسەك، تەحنيكالار تاجىكستانعا تيەسىلى. باسىلىم باتىس اسكەري وكرۋگى وكىلدەرىنەن ازىرگە ەشقانداي ناقتى مالىمەت الا الماي وتىر.
