فيرۋزا ءشارىپوۆا: مەن قازىر ناعىز بابىمدامىن
روليكتە قازاقستاندىق سپورتشى ءوزىنىڭ الداعى كەزدەسۋى مەن دايىندىعى تۋراسىندا ءسوز قوزعايدى.
«سوڭعى بەس كەزدەسۋىمدى ناقتى چەمپيوندىق دودا كەزىندە ناعىز بابىمدا بولۋ ءۇشىن وتكىزدىم. ءبارىن دە سوعان قاراي بەيىمدەدىك. ۇزدىكسىز جاتتىقتىم. جاتتىعۋدىڭ ءار كەزەڭى وتكەن جولعىسىنان ەرەكشەلەندى»، - دەيدى سپورتشى قىز.
فيرۋزا ءوز سوزىندە «ەكسپو-2017» سەكىلدى اۋقىمدى شارادا ونەر كورسەتۋ وزىنە ابىروي ەكەنىن، كومانداسىمەن بىرگە جەڭىسكە قول جەتكىزگەلى وتىرعانىن اتاپ ءوتتى. ال ونىڭ مەنەدجەرى سەرگەي زاۆيلەيسكيي قىزدار اراسىندا فيرۋزانىڭ كاسىبي بوكس الەمىندە تۇڭعىش الەم چەمپيونى اتانۋعا تولىق مۇمكىندىگى بار ەكەنىن ايتادى.
ەسكە سالا كەتسەك، «ەكسپو-2017» حالىقارالىق كورمەسى اياسىندا استانادا 26 -تامىز كۇنى بوكس كەشى وتەدى. كەشتىڭ ەڭ باستى ايقاسى فيرۋزا ءشارىپوۆا مەن ميلەنا كوليەۆانىڭ اراسىندا بولماق.
