توسەكتە عاشىعىن وزگە جىگىتپەن شاتاستىرىپ العان قازاقستاندىق ارۋ جانايقايىن جەتكىزدى
بويجەتكەن توسەكتە سۇيىكتىسىن وزگە جىگىتپەن شاتاستىرىپ العان. بۇل تۋرالى NUR. KZ پورتالى NewTimes.kz اگەنتتىگىنە سىلتەمە جاساپ حابارلايدى.
«جانىما باتىپ بارادى. ىشىمدەگى سىرىممەن بولىسكىم كەلەدى. مەن ەكى جىل جىگىتىممەن بىرگە تۇرىپ كەلدىم. بىرگە جۇمىس ىستەپ، باقىتتى عۇمىر كەشكەن ەدىك. الايدا ءبىر كۇنى ءبارى وزگەرىپ سالا بەردى. سول كۇنى سۋ جاڭا كولىك العان جىگىتىمە دوستارى قۇتتىقتاپ كەلگەن بولاتىن. مەن داستارحان جايىپ، تۇنگە دەيىن قاستارىندا وتىردىم. كەيىن اڭگىمەلەرىنە كەدەرگى بولمايىن دەپ ءوز بولمەمە ۇيىقتاۋعا كەتتىم»، - دەپ ەسىنە الدى بويجەتكەن.
ارۋ توسەكتە جاتقانىندا قاسىنا جىگىتى كەلدى دەپ ويلاعانىن ءسوز ەتتى.
«كورپە استىندا جىگىتىم مەنى شەشىندىرە باستادى. ويانىپ كەتىپ، وعان بۇرىلا بەرگەنىمدە، جىگىتىمنىڭ ورنىندا ونىڭ دوسى ەكەنىن ۇقتىم. ال سول ساتتە ەسىكتە بولعان جىگىتىم اشۋ ۇستىندە دوسىن تەپكىلەپ، مەنى شاشىمنان سۇيرەدى. سوققىعا جىعىپ، زاتتارىن جيناپ كەتىپ قالدى»، - دەپ جالعاستىردى بويجەتكەن.
«سول ساتتە ۇيىقتاپ جاتقان ەدىم. وزگە جىگىت قوينىما كىرىپ كەتەتىنىن كۇتپەدىم. ونىڭ ۇستىنە ول ارتىمنان كەلىپ وياتقاندا عانا بوتەن ادام ەكەنىن ءتۇسىندىم... جاقىندا ماعان جىگىتمنىڭ قۇربىما ۇيلەنىپ جاتقانىن حابارلادى. قۇربىمنان مۇنداي جاڭالىقتى ەستىمەگەن ەدىم. ەندى جانىم ەكى ەسە اۋىرادى. ول مەنى تاستاپ كەتكەندە، جىگىتىمدى توسەكتە شاتاستىرىپ العانىم ءۇشىن جانىمدى جەگىدەي جەپ ەدىم. ال ەندى مۇنىڭ ءبارى مەنەن قۇتىلۋ ءۇشىن جاسالعان قويىلىم بولدىم ما دەگەن وي مازالايدى»، - دەپ كۇيىندى ارۋ.
بۇل جازبا جەلىدە قىزۋ تالقىعا ءتۇسىپ، پىكىرتالاس تۋدىردى.
