18:31, 18 - تامىز 2017 | GMT +5
ەر ادام ابايسىزدا جۇرەگىنە شەگە قاعىپ الدى
استانا. قازاقپارات - ابايسىزدا ءوز جۇرەگىنە شەگە قاعىپ العان امەريكانىڭ ميلۋوكي قالاسىنىڭ تۇرعىنى دارىگەرلەردىڭ كومەگىنە جۇگىندى.
بۇل جايلى Associated Press اگەنتتىگى حابارلايدى. جوندەۋ جۇمىستارىن جۇرگىزىپ جۇرگەن 52 جاستاعى امەريكالىق دۋگ بەرگەسون ابايسىزدا شەگەقاققىش پيستولەتىمەن ءوزىن اتىپ الدى.
ول نە بولعاندىعىن كيىمىن شەشكەننەن كەيىن، جۇرەك تۇسىنداعى توعىز سانتيمەترلىك شەگەنى كورگەننەن سوڭ عانا ءتۇسىندى.
«شەگە ءاربىر جۇرەك قاعىسىمەن قوسا دىرىلدەپ تۇردى»، - دەيدى ول.
وقيعا بەرگەسوندى اسا شوشىتا قويعان جوق. ول جۋىنىپ، كولىگىنە وتىرىپ، جاقىن جەردەگى اۋرۋحاناعا جەتىپتى. بەرگەسوندى قاراعان دارىگەر ونىڭ دەنەسىندەگى شەگەنى ءوز بەتىمەن الىپ تاستاماعانى ءۇشىن ماقتادى.
