قىتايدىڭ ەڭ ءىرى پروۆينتسيالارىنىڭ ءبىرى ەكسپو- دا ءوز جاڭالىقتارىن ۇسىنادى
«قىتايدا جاقسى ءتامسىل بار: «كەزدەسۋ ءۇشىن مىڭ شاقىرىم جەردەن جاقسى دوستار عانا كەلەدى» . گۋاڭدۋڭ اپتالىعىن وتكىزۋ اياسىندا جولىعۋىمىزدىڭ ءوزى تاعدىرىمىزدىڭ ورتاق ەكەنىن كورسەتىپ تۇر. ەكسپو- نىڭ «بولاشاقتىڭ ەنەرگياسى» اتتى تاقىرىبى قىتايدىڭ جاسىل ەكونوميكالىق دامۋىنىڭ تۇجىرىمداماسىمەن تىعىز بايلانىستى. گۋاڭدۋڭ پروۆينتسياسى ەجەلگى تەڭىز «جىبەك جولىنىڭ» ماڭىزدى نۇكتەسى» ، - دەدى گۋاڭدۋڭ پروۆينتسياسىنىڭ باس حاتشىسىنىڭ ورىنباسارى لي ي ۆەي ءوزىنىڭ قۇتتىقتاۋ سوزىندە. سونداي- اق ول پروۆينتسيا اپتالىعىندا وڭىردەگى ەنەرگيانىڭ جاڭا كوزدەرى، جاڭا تەحنولوگيالار جانە زەرتتەۋلەر مەن ازىرلەمەلەر سالاسىنداعى بارلىق جەتىستىكتەردى كورسەتۋگە تىرىساتىندارىن اتاپ ءوتتى.
ءوز كەزەگىندە قازاقستان ينۆەستيتسيالىق ىنتىماقتاستىق اگەنتتىگىنىڭ باس ديرەكتورى ايدىن بايەدىلوۆ ەكونوميكالىق دامۋى بويىنشا قىتايدىڭ ءىرى ءارى قۋاتتى پروۆينتسيالارىنىڭ بىرىمەن ىنتىماقتاستىق ورناتۋدىڭ ماڭىزدىلىعىن باسا ايتتى.
ايتا كەتەيىك، گۋاڭدۋڭ ن پروۆينتسياسى قىتايدىڭ وڭتۇستىك- شىعىسىنداعى سۋبتروپيكتە ورنالاسقان، اۋماعى 177,9 مىڭ شارشى شاقىرىمدى قۇرايدى. پروۆينتسيانىڭ 3368 شاقىرىم قۇرلىقتىق جەلىسى بار جانە تەڭىز بيولوگيالىق رەسۋرستارعا وتە باي. تەڭىز قايراڭىندا مۇناي ءوندىرىسى دە جولعا قويىلعان.
وزگە دە پايدالى قازبالار اراسىندا گەرماني، ۆيسمۋت، تالي، تانتال، سەلەن سىندى سيرەك كەزدەسەتىن مەتاللداردىڭ كەن ورنى اسا ۇلكەن ماڭىزعا يە. گۋاڭدۋڭدا شىنجىن، چجۋحاي، شانتوۋ اتتى قىتايدىڭ ءۇش ارنايى ەكونوميكالىق ايماعى بار. گونكونگپەن جانە ماكاومەن كورشىلەس ورنالاسۋى دا پروۆينتسيانىڭ ەكونوميكالىق دامۋىنا وڭ ىقپالىن تيگىزەدى. قازىرگى ۋاقىتتا گۋاڭدۋڭ ج ءى ءو كولەمى بويىنشا ق ح ر پروۆينتسيالارىنىڭ الدىڭعى ورنىندا تۇر.
اۆتور: ايجان سەرىكجان قىزى
