گۋگل كومپانياسى ينتەرنەتى باياۋ ەلدەرگە ارنالعان ىزدەۋ باعدارلاماسىن ويلاپ تاپتى
ازىرگە ىزدەۋ جۇيەسىنىڭ «جەڭىلدەتىلگەن» ءتۇرىن Google Play دۇكەنىنەن يندونەزيا تۇرعىندارى عانا كوشىرىپ الا الادى، دەپ جازدى hitech.vesti.ru.
جاڭا باعدارلامانى جاقىن ارادا ءۇندىستان دا باستىرىپ الۋ مۇمكىن بولادى. Android Police حابارلاۋىنشا، Search Lite-تىڭ مۇمكىندىكتەرى Google-دىڭ نەگىزگى باعدارلاماسىمەن بىردەي: قولدانۋشىلار ينتەرنەتتەن ءماتىن جانە داۋىس ارقىلى ىزدەي الادى، شەت تىلدەرىنە اۋدارما جاساۋ مۇمكىندىگى بار جانە جاڭالىقتار مەن اۋا رايىن وقيدى.
دەگەنمەن، Search Lite-تىڭ ادەمى انيماتسيا مەن ۆيدجەتتەرى جوق. باعدارلاما قوسىلعاننان كەيىن قولدانۋشىلاردىڭ الدىندا تەك «جالاڭ» ىزدەۋ جولاعى تۇرادى، ال بارلىق اقپارات ءۇي ەكرانىنداعىداي جيناقتالعان تور بەلگىشەلەر تۇرىندە بەرىلەدى. مامىر ايىندا I/O كونفەرەنسياسىندا Gووgle-دىڭ باس ديرەكتورى سۋندار پيچاي Android-قا «كەلەسى ميلليارد قولدانۋشىنى» تارتۋ تۋرالى ايتقان بولاتىن. بۇل ستراتەگيا ينتەرنەت پەن سمارتفوندى پايدالانۋ كورسەتكىشى تومەن كەدەي ەلدەردىڭ قولدانۋشىلارى ارقىلى جۇزەگە اسپاق.
وسى جىلدىڭ اقپان ايىندا كومپانيا YouTube-تىڭ وفلاين نۇسقاسىن شىعاردى. ول جۇيەنىڭ ادەتتەگى Android باعدارلاماسىنان ەرەكشەلىگى ۆيدەو كوشىرىلمەيدى جانە جەلى جوق جەردە كورسەتىلمەيدى. سونىمەن قاتار، Google Android-تىڭ باسقالاردان از پايدالانىلاتىن Android Go - لايت- نۇسقاسىنا جۇمىس جاساپ جاتىر.
