ماعجان جۇمابايەۆتىڭ جاريالانباعان قولجازباسىنىڭ قۇپياسى بەلگىلى بولدى

پەتروپاۆل. قازاقپارات - سولتۇستىك قازاقستان وبلىسى مەملەكەتتىك ارحيۆىنىڭ قىزمەتكەرلەرى قۇپيا بەلگىسى سالىنىپ جاريالانباي كەلگەن ماعجان جۇمابايەۆتىڭ قولجازباسىنىڭ مازمۇنىن ايتىپ بەردى، دەپ حابارلايدى قازاقپارات ءتىلشىسى.

قۇجات استانا وتەتىن «قازاقستاننىڭ جاڭا تاريحي بەلەسى - نوۆىە ۆەحي يستوري كازاحستانا» كورمەسىنە قويىلادى.

ارحيۆ ءبولىمىنىڭ باسشىسى مەرەكە بايمۇقانوۆتىڭ ايتۋىنشا، ماعجان جۇمابايەۆتىڭ قولىمەن جازىلعان باياندامادا س ق و ەلدىمەكەندەرىندەگى اشتىق تۋرالى ايتىلعان. وتكەن عاسىردىڭ 20- جىلدارى اشىققاندار رەسەيدىڭ باتىس تۇسى مەن ورتا بولىگىنەن سىبىرگە جانە قيىر شىعىسقا اعىلدى. سىبىردەگىلەردىڭ تۇرمىسى جاقسى، اۋقاتتى تۇرادى ەكەن دەگەن سىبىس شىققان سوڭ اشىققاندار سوندا ۇمتىلدى. سول كەزدە اقمولا گۋبەرنياسى قۇرامىندا بولعان سولتۇستىك قازاقستان وبلىسىنىڭ اۋماعىندا دا اشتىق بولدى.

«ماعجان جۇمابايەۆ اشىققاندارعا كومەك كورسەتەتىن توتەنشە كوميسسيادا جۇمىس ىستەدى. ول اۋداندارعا بارىپ، جەرگىلىكتى جەردەگى جاعدايمەن تانىستى. ماعجان جۇمابايەۆ ءوز قولىمەن جازعان ۇلكەن بايانداما بار، وندا ول قاي اۋىلداردا حالىق اشىعىپ جاتقانى تۋرالى ناقتى دەرەكتەر كەلتىرگەن. بۇل قۇجات وبلىستىق اتقارۋ كوميتەتىندەگى پاپكادا ساقتالعان. قولجازبا بۇعان دەيىن ەش جەردە جاريالانباعان»، - دەيدى مەرەكە بايمۇقانوۆ.



ارحيۆتە اقىنعا بەرىلگەن ماندات تا ساقتالعان، وندا «اقمولا گۋبەرنياسىنىڭ اشىققاندارعا كومەك كورسەتۋ توتەنشە كوميسسياسى ءتوراعاسىنىڭ ورىنباسارى جۇمابايەۆ ماعجان بەكەن ۇلى پەتروپاۆل مەن كوكشەتاۋ ۋەزدەرىنە اشىققاندارعا كومەك كورسەتۋ جۇمىستارىن كۇشەيتۋ ءۇشىن ءىسساپارعا جىبەرىلدى» دەپ كورسەتىلگەن. ماعجان جۇمابايەۆتىڭ تاپسىرمالارىنىڭ اراسىندا «جەرگىلىكتى ورگانداردىڭ اشىققاندارعا كومەك كورسەتۋ مەكەمەلەرىنىڭ قورىنا كەلىپ تۇسكەن ازىق- تۇلىكتى ناقتى ەسەپكە الۋ، اشىققاندار سانىن ەسەپكە الۋ جانە جاعدايى جاقسى اۋداندارعا ولاردى بەكىتۋ» ماسەلەسى كورسەتىلگەن.

مەرەكە بايمۇقانوۆتىڭ ايتۋىنشا، قۋعىن- سۇرگىنگە ۇشىراعاندارعا قاتىستى قۇجاتتار «وتە قۇپيا» دەپ بەلگىلەنگەن. «ماعجان جۇمابايەۆ 1937 -جىلى تۇتقىنعا الىنعان، ال 1938 -جىلى اتىلعان. قۋعىن- سۇرگىنگە ۇشىراعاندار ءىسى اسىرەسە، پارتيا مۇشەلەرىنىڭ ءىسى ارحيۆتەن تولىق الىنىپ تاستاپ وتىرعان. سول كەزدەرى جانە 60- جىلدارى ارحيۆ ن ك ۆ د مەكەمەسىنىڭ قۇرامىندا بولدى. سولتۇستىك قازاقستان وبلىسى بويىنشا ءبولىم بولدى. قۋعىن- سۇرگىنگە ۇشىراعاندارعا قاتىستى ىستەردىڭ ءبارى سوندا جىبەرىلدى نەمەسە جويىلدى. ماعجان جۇمابايەۆقا قاتىستى بارلىق قۇجات جانە بارلىق ەڭبەكتەر تاركىلەندى. قۇپيا بەلگى تەك اقتالعان سوڭ عانا الىندى. قۋعىن- سۇرگىنگە ۇشىراعاندارعا قاتىستى ىستەردىڭ ءبارى قازىر س ق و ءى ءى د ارحيۆىندە ساقتالىپ تۇر»، - دەيدى مەرەكە بايمۇقانوۆ.

«قازاقستاننىڭ جاڭا تاريحي بەلەسى - نوۆىە ۆەحي يستوري كازاحستانا» كورمەسى ق ر ۇلتتىق ءارحيۆتىڭ كورمە زالىندا 24-26 -تامىز ارالىعىندا ساعات 11.00-دەن 18.00-گە دەيىن وتەدى.