تامىزدىڭ ەكىنشى جارتىسىندا مۇناي باعاسى قالاي وزگەرەدى

استانا. قازاقپارات - الپاري ساراپشىلارى تامىز ايىنىڭ ەكىنشى جارتىسىندا مۇناي باعاسىنىڭ ديناميكاسىنا قانداي جاعدايلار اسەر ەتەتىنىن ايتىپ بەردى، دەپ حابارلايدى «قازاقپارات» ح ا ا ءتىلشىسى.

«Brent ماركالى مۇنايدىڭ باعاسى تامىزدىڭ العاشقى ەكى اپتاسىندا 2,5 پروتسەنتكە تومەندەپ، ەكىنشى ونكۇندىكتە ودان ارى ارزانداي ءتۇستى. الايدا ءبىر باررەل ءۇشىن 50 دوللار دەڭگەيى تومەندەگەن جوق، بۇعان قوسا تامىزدىڭ ورتاسىندا باعا بەلگىلەۋشىلەر بۇل دەڭگەيدەن تومەن تۇسىرگىسى كەلگەن. ءبىراق، تامىزدىڭ ورتاسىندا ءبىر باررەلدى 40 دوللارعا دەيىن تۇسىرەتىندەي كورسەتكىشكە جەتپەدى. تامىزدىڭ ەكىنشى جارتىسىندا كەلەڭسىز سەناري كەشىرەمىز بە؟» - دەپ ساۋال قويادى الپاري اناليتيكالىق دەپارتامەنتىنىڭ ديرەكتورى ناتاليا ميلچيكوۆا.

كومپانيادا تامىزدىڭ ورتاسىندا مۇناي باعاسىنا اسەر ەتەتىن فاكتورلار تۋرالى ايتىلدى. ولاردىڭ ءبىرى - قازىرگى ۋاقىتتا قىتايدا مۇنايعا دەگەن سۇرانىس سونشاما اۋقىمدى بولماي وتىرعانى. Reuters اگەنتتىگىنە سۇيەنسەك، قىتايدىڭ ەكى بىردەي Sinopec پەن Petrochina كومپانيالارى وزدەرىنىڭ مۇناي وڭدەۋشى زاۋىتتارىنىڭ قۋاتتىلىعى 10 پروتسەنتكە تومەندەگەنىن رەسمي تۇردە حابارلاعان. تامىزدىڭ ورتاسىندا قىتايداعى بۇل جاڭالىق اعىمداعى جىلى سۇرانىسقا دەگەن ءۇمىتتىڭ ءبارىن جوياتىندىقتان، مۇناي نارىعىندا ءبىرشاما ابىگەر بايقالعان.

«قارا التىننىڭ» باعاسىنا وپەك مونيتورينگى بويىنشا كوميتەت وتىرىسىنىڭ بولۋ- بولماۋى دا اسەر ەتەدى. ەرەجە بويىنشا بيىلعى جىلى مۇناي وندىرۋدە كەلىسىمدى ورىنداۋ بويىنشا وپەك كوميتەتى اي سايىن وتكىزىلەتىن. تامىز ايىنىڭ باسىندا مۇنداي وتىرىس سانكت- پەتەربۋرگ قالاسىندا ۇيىمداستىرىلىپ، جاڭا وتىرىس قىركۇيەك ايىنا ۆەنادا وتەتىنى شەشىلگەن. وپەك مۇشەلەرىنىڭ بارلىعى تارتىپتىك جۇيەدە كەلىسىمدى ورىنداعاندىقتان وتكەن وتىرىس ناتيجەلى بولماعان كورىنەدى. سونىمەن قاتار، وپەك باسقا ەلدەردەن رەسمي تۇردە مۇناي ءوندىرۋدى ازايتۋدى سۇراپ جاتقانىمەن، ساۋد ارابياسىنىڭ مۇناي ءوندىردۋدى كوبەيتىپ جاتقانى الەمدىك نارىقتى الاڭداتا تۇسكەن. مۇنايعا دەگەن سۇرانىس ازايۋى قاتپارلى مۇنايدىڭ وندىرۋشىلەرىنىڭ دە ەڭسەسىن ءتۇسىرىپ تاستايدى.

تامىزدا Baker Hughes ەسەبىنە سايكەس، ا ق ش- تا بۇرعىلاۋ جابدىقتارى اپتادان اپتاعا قاراي كوبەيە قويماعان. بۇعان قازىرگى نارىقتاعى ساپالى مۇنايدىڭ كوبەيگەنى سەبەپ بولۋى ىقتيمال. ا ق ش- تا مۇنايدىڭ كوممەرتسيالىق قورى قاراما-قايشىلىقتان حابار بەرىپ، اپتا سايىن ولار قىسقارىپ بارادى. وسىعان قاراماستان، مۇنايعا دەگەن ۇسىنىستىڭ بولماۋى مۇناي نارىعىنىڭ وڭ جامباسىنا دا كەلىپ قالۋى مۇمكىن. گەوساياسي احۋال. اتى شىعىپ قالعان «ترامپ فاكتورى» امەريكانى تاعى دا دەرجاۆاعا اينالدىرعىسى كەلگەنىمەن، مۇناي نارىعىندا دەگەنىن ىستەتە الماي وتىر. مۇناي وندىرەتىن ەلدەرگە قاراتا ايتىلعان اسىعىس مالىمدەمەلەر مەن انتيرەسەيلىك سانكسيالار مۇناي باعاسىن ءوسىرىپ جىبەرۋى مۇمكىن.

بۇل تۇرعىدا يرانمەن دە قارىم- قاتىناس ۋشىعىپ بارا جاتقانىن اتاپ ءوتۋ كەرەك. سانكتسيالاردىڭ سالدارىنان رەسەيلىك كومپانيالار مۇناي ءوندىرۋ بويىنشا جاڭا ورىنداردى يگەرمەيتىندىكتەن، «قارا التىننىڭ» باعاسى تاعى دا قىمباتتاۋى مۇمكىن. «ءبىزدىڭ ويىمىزشا، تامىزدىڭ اياعىنا دەيىن «اپوكاليپسيستىك سەناري» بولمايتىن سەكىلدى، ال Brent ماركالى مۇناي 48-53 ا ق ش دوللارى ارالىعىندا ساتىلۋى ىقتيمال»، - دەيدى ناتاليا ميلچيكوۆا.

اۆتور: ايان بەكەن ۇلى