ءۇندىستاندا قازاقستاندىق التى بالانىڭ جۇرەگى اۋىستىرىلدى
بۇل تۋرالى ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا «ۇلتتىق عىلىمي كارديوحيرۋرگيالىق ورتالىق» ا ق باسقارما ءتوراعاسى يۋري پيا ءمالىم ەتتى، دەپ حابارلايدى قازاقپارات.
«بالانىڭ جۇرەگىن اۋىستىرۋ قاجەتتىگى تۋىنداعان جاعدايدا ءبىز ونى ءۇندىستانعا جىبەرەمىز. ءۇندىستاننىڭ دەنساۋلىق ساقتاۋ جۇيەسى جۇرەك پەن ورگانداردى اۋىستىرۋ وتاسىن ءۇندىستان ازاماتتارى ءۇشىن اقىلى نەگىزدە عانا جاسايدى. مۇنداي وتالار قازاقستانداعىداي ساقتاندىرۋمەن نەمەسە مەملەكەتتىك كومەكپەن جاسالمايدى. سوندىقتان، ول جاقتا بالاعا ارنالعان دونورلىق جۇرەكتى تابۋ وڭاي»، - دەدى يۋري پيا.
ەل حالقىنىڭ سانى از بولۋىنا بايلانىستى بالالارعا جۇرەكتى الماستىرۋ وتاسى ەرەسەكتەرگە قاراعاندا اناعۇرلىم از قاجەت ەتىلەدى. بالالارعا جۇرەك ترانسپلانتاتسياسى بويىنشا 56 وتا جاسالدى.
«قازىرگى ۋاقىتتا بالالاردىڭ جۇرەگىن اۋىستىرۋ تۋرالى زاڭ جوباسى ۇكىمەتتە قارالىپ جاتىر. ارينە، مۇنداي وتالاردى شەتكە شىقپاي-اق، وزىمىزدە جاساعان ۇنەمدى بولار ەدى. ءبىراق، بۇگىنگە دەيىن قازاقستاننىڭ بىردە-ءبىر كلينيكاسىندا بالاعا ىقتيمال دونور تابىلعان جوق»، - دەپ باسا ايتتى دارىگەر.
اتاپ وتكەن ءجون، ۇلتتىق عىلىمي كارديوحيرۋرگيالىق ورتالىعى وكپەنى اۋىستىرۋ وتالارىن جاساي باستادى. قازاقستاندا مۇنداي وتانى وتكىزەتىن تەحنيكالىق جانە ۇيىمداستىرۋشىلىق مۇمكىندىكتەر جەتكىلىكتى.
«وكپەنى ترانسپلانتاتسيالاۋ بويىنشا ميننەسوتادا دايىندىقتان وتتىك. وتكەن جىلدان بەرى 6 وتا جاسادىق. دونورلىق وكپەنى تاسىمالداۋعا جانە دايىنداۋعا قاجەتتى ارنايى قۇرىلعىنى الدىق جانە بولاشاقتا دا وتا جاساۋدى جالعاستىرا بەرەمىز. ودان بولەك، ەگەر وكپە ترانسپلانتاتسياعا دايىن بولماسا، بۇل جۇيەدە ورگاندى ەمدەيتىن مۇمكىندىك بار»، - دەيدى يۋ. پيا.
