وزبەكستان ەلشىلىگى الماتىدان استاناعا كوشەدى

استانا. قازاقپارات - قازاقستاننىڭ سىرتقى ىستەر ءمينيسترى قايرات ءابدىراحمانوۆ وزبەكستاننىڭ سىرتقى ساياسي ۆەدومستۆوسى باسشىسىنىڭ ورىنباسارى سايديكرام نيازحودجايەۆتى قابىلدادى، دەپ حابارلايدى قازاقپارات س ءى م باسپا ءسوز قىزمەتىنە سىلتەمە جاساپ.

كەزدەسۋ بارىسىندا تاراپتار قازاقستان مەن وزبەكستان اراسىنداعى ىنتىماقتاستىقتى دامىتۋدىڭ وزەكتى ماسەلەلەرىن، سونىن ىشىندە اعىمداعى جىلدىڭ ناۋرىز ايىندا وزبەكستان پرەزيدەنتى شاۆكات ميرزيەيەۆتىڭ قازاقستانعا مەملەكەتتىك ساپارىنىڭ قورىتىندىلارى بويىنشا قول جەتكىزىلگەن ەكى ەل كوشباسشىلارىنىڭ ۋاعدالاستىقتارىن ىسكە اسىرۋ بارىسىن تالقىلادى.

«س. نيازحودجايەۆ مينيسترگە وزبەكستان ەلشىلىگىنىڭ الماتىدان استاناعا كوشۋى جونىندە قابىلدانعان شەشىم تۋرالى ايتىپ، ديپلوماتيالىق وكىلدىك عيماراتى كەشەنىنىڭ قۇرىلىسى باستالعانى جونىندە اقپاراتتاندىردى. تاراپتار سونداي-اق الداعى ءتۇرلى دەڭگەيدەگى ەكىجاقتى بايلانىستاردىڭ جانە ورتالىق ازياداعى حالىقارالىق ءىس-شارالاردىڭ كەستەسىن قاراستىردى»، - دەلىنگەن باسپا ءسوز بايانىندا.

اۆتور: قانات مامەتقازى ۇلى