موڭعوليادان شىعىس قازاقستانعا دەيىنگى جولدى قىسقارتۋ ۇسىنىلدى
قازىر قازاقستانعا كەلۋ ءۇشىن موڭعوليا تۇرعىندارىنا ەكى شەكارانى قيىپ وتۋىنە تۋرا كەلەدى، بۇل اسىرەسە جۇك تاسىمالى كەزىندە قولايسىز. عىلىمحان ايپ بۇل ماسەلەنىڭ بايان-ولگەي اۋدانى مەن شىعىس قازاقستان اراسىن تىكەلەي بايلانىستىراتىن كۇرە جولدىڭ سالىنۋىمەن شەشىلەتىندىگىن ايتتى.
«قازىر لوگيستيكا سالاسىندا ءبىرقاتار كۇردەلى ماسەلەلەر بار. بىزگە مۇندا كەلۋ ءۇشىن الدىمەن رەسەي شەكاراسىنان، ودان كەيىن قازاقستان شەكاراسىنان وتۋگە تۋرا كەلەدى. الايدا، ۇزاقتىعى 200 ك م تۇراتىن جول بار، بۇرىن ول جولمەن مال ايداپ وتكەن. ەگەر سول جول اسفالتتالسا، دىتتەگەن جەرىمىزگە تەز ءارى جايلى جەتەر ەدىك. بۇل ەكى ءوڭىر اراسىنداعى تاۋار اينالىمىنا دا وڭ ىقپال ەتەر ەدى»، - دەدى ع. ايپ.
دانيال احمەتوۆتىڭ ايتۋىنشا، جولدى قىسقارتۋ يدەياسى وزەكتى، شىعىس قازاقستان تاراپىنان دا بۇل ماسەلەنىڭ شەشىلۋىنە بارلىق كۇش جۇمسالاتىن بولادى.
