نۇرسۇلتان نازاربايەۆ: قىرعىز حالقى سايلاعان پرەزيدەنتپەن بىرگە جۇمىس ىستەيتىن بولامىز
قىرعىزستاننىڭ پرەمەر-ءمينيسترى كەزدەسۋگە مۇمكىندىك تۋعىزعانى ءۇشىن نۇرسۇلتان نازاربايەۆقا العىس ءبىلدىرىپ، «ەكسپو-2017» حالىقارالىق كورمەسىنىڭ تابىستى ءوتىپ جاتقانىمەن قۇتتىقتادى.
«سىزگە قىرعىز رەسپۋبليكاسىنا كورسەتكەن قولداۋىڭىز ءۇشىن العىس ايتامىن. ءبىز ءسىزدىڭ جانە ەل ۇكىمەتىنىڭ دەڭگەيىندە باۋىرلاس قازاقستاننىڭ قولداۋىن ءاردايىم سەزىنىپ كەلەمىز»، - دەدى س. جەەنبەكوۆ.
قازاقستان پرەزيدەنتى مەملەكەتتەر باسشىلارىنىڭ ءوزارا قارىم-قاتىناسى ەمەس، حالىقتارىمىزدىڭ تاريحي جاقىندىعى مەن ولاردىڭ ءبىر-بىرىنە دەگەن سەنىمى ەكى ەل اراسىنداعى ىنتىماقتاستىق نەگىزىن قۇرايتىنىن اتاپ ءوتتى.
«ءبىز - كورشىلەس ءارى باۋىرلاس حالىقپىز. مەن ءاردايىم قىرعىزستان بولاشاعىنىڭ جارقىن بولۋى ءۇشىن مۇمكىندىگىنشە قاجەتتى قولداۋ كورسەتەتىن بولامىن. ەكونوميكالىق تۇرعىدان دامۋ ءۇشىن ساياسي تۇراقتىلىقتىڭ بولۋى ماڭىزدى. ءبىز ءاردايىم قىرعىز حالقىمەن بىرگەمىز. قىرعىزستاندا پرەزيدەنت سايلاۋى بولعالى جاتىر. قىرعىز حالقى سايلاعان پرەزيدەنتپەن بىرگە جۇمىس ىستەيتىن بولامىز»، - دەدى مەملەكەت باسشىسى.
