11:48, 14 - تامىز 2017 | GMT +6
ساعىنتايەۆ ارمەنيا پرەمەر- مينيسترىمەن ىنتىماقتاستىقتىڭ جاڭا باعىتتارىن تالقىلادى
استانا. قازاقپارات - بۇگىن قازاقستان رەسپۋبليكاسىنىڭ ۇكىمەت باسشىسى باقىتجان ساعىنتايەۆ ارمەنيا رەسپۋبليكاسىنىڭ پرەمەر- ءمينيسترى كارەن كاراپەتيانمەن كەزدەسۋ وتكىزدى، دەپ حابارلايدى primeminister.kz.
كەزدەسۋ بارىسىندا ساۋدا- ەكونوميكالىق قاتىناستار، اتاپ ايتقاندا ىنتىماقتاستىقتىڭ جاڭا فورمالارىن ودان ءارى دامىتۋ پەرسپەكتيۆالارى تالقىلاندى. ونىڭ ىشىندە كورسەتىلەتىن قىزمەتتەر مەن جاڭا تەحنولوگيالار ساۋدا- ساتتىعى بار.
وسى ورايدا، ساۋدا- ەكونوميكالىق ىنتىماقتاستىق جونىندەگى قازاقستاندىق- ارمياندىق ۇكىمەتارالىق كوميسسيانىڭ ناتيجەلى جۇمىسى اتالىپ ءوتتى.
سونداي-اق، ترانزيتتىك- لوگيستيكالىق الەۋەتتى دامىتۋ، حالىقارالىق ۇيىمدار اياسىنداعى جانە ەۋرازيالىق ەكونوميكالىق وداقتاعى ينتەگراتسيالىق ۇدەرىستەردى نىعايتۋداعى ءوزارا ارەكەتتەستىك ماسەلەلەرى ءسوز بولدى.
