قازاقستان- قىرعىز شەكاراسىندا شابۋىل جاساعان بەلگىسىز ازاماتتار ىزدەستىرىلۋدە
بۇل تۋرالى ق ر ۇق ك ش ق باسپا ءسوز قىزمەتى حابارلايدى.
12 -تامىز كۇنى شامامەن 20.00-دە ق ر ۇ ق ك ش ق «وڭتۇستىك» وڭىرلىك باسقارماسىنىڭ تاراز شەكارا وتريادى «جاسوركەن» شەكارا بەكەتى جاساقتارىنىڭ مەملەكەتتىك شەكارانى كۇزەتۋ جانە قورعاۋ قىزمەتىن اتقارۋى كەزىندە قازاقستان مەن قىرعىزستان اراسىنداعى مەملەكەتتىك شەكارانىڭ سپيرالدى بەلدەۋىنەن جول جاساپ وتپەك بولعان قۇقىق بۇزۋشىلار توبى انىقتالدى.
ولار شەكاراشىلاردىڭ قۇقىققا قايشى ارەكەتتەرىن توقتاتۋ تۋرالى زاڭدى تالاپتارىنا باعىنباي، شەكارا جاساعىنا قارسى ءتۇرلى قۇرالدار پايدالانا وتىرىپ، قول كۇشىن جۇمساعان.
اسكەري قىزمەتكەرلەردىڭ ءومىرى مەن دەنساۋلىعىن ساقتاپ قالۋ ماقساتىندا شەكارا جاساعىنىڭ اعا قىزمەتكەرلەرى اسپانعا باعىتتاي ەسكەرتە اتقاننان كەيىن، سونداي-اق، قۇقىق بۇزۋشىلار تاراپىنان شەكاراشىلاردىڭ زاڭدىق تالاپتارىن ورىنداۋشىلىق بولماعاندىقتان شابۋىلشىلارعا قاتىستى قارۋ قولدانىلدى (ەكى رەت وق اتىلدى). سونىڭ سالدارىنان شابۋىلشىلاردىڭ ءبىرى جاراقات الىپ، قالعاندارى جارالى جولداستارىن سۇيەمەلدەي قازاقستان رەسپۋبليكاسى اۋماعىنداعى جاقىن ەلدى مەكەندەردىڭ بىرىنە قاراي ىزدەرىن جاسىردى. كەيىننەن جاراقات العان ادامنىڭ قازا تاپقاندىعى بەلگىلى بولدى.
قازىرگى ۋاقىتتا شابۋىل جاساۋشىلاردىڭ تۇلعاسىن انىقتاۋ بويىنشا ىزدەۋ جانە تارتىپتىك شارالارى جۇرگىزىلىپ جاتىر.
