اعىلشىن ءتىلى مۇعالىمدەرىنىڭ جالاقىسى ءوستى
بۇل تۋرالى بۇگىن ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا ق ر ءبىلىم جانە عىلىم ۆيتسە-ءمينيسترى بيبىگۇل اسىلوۆا ءمالىم ەتتى، دەپ حابارلايدى قازاقپارات.
«جوعارى سىنىپتاردا 4 بەيىندى ءپاندى اعىلشىن تىلىندە بەرەتىن مۇعالىمدەردىڭ جالاقىسى بازالىق جالاقىسى 200 پايىزعا ۇلعايادى. بازالىق جالاقى بۇگىنگى كۇنى 17697 تەڭگەنى قۇرايدى. ول جالاقى تولەۋ جۇيەسىندە جانە بارلىق ۇستەمە مەن قوسىمشا اقىلارعا قولدانىلادى»، - دەدى ول ب ا ق وكىلدەرىنىڭ ساۋالىنا وراي.
ونىڭ ايتۋىنشا، مەملەكەتتىك مەكەمەلەردىڭ قىزمەتكەرلەرى بازالىق جالاقىسىنا بايلانىستى ايلىقتارىنا قوسىمشا ۇستەمە اقى الادى. «ياعني، بازالىق جالاقىعا 200 پايىز ۇستەمە اقى 35 مىڭ تەڭگەنى قۇرايتىن بولادى. بۇگىنگى كۇنى 25 جىلدىق جۇمىس ءوتىلى بار جوعارى ساناتتى ءمۇعالىمنىڭ جالاقىسى 92 مىڭ تەڭگەنى قۇرايتىن بولسا، وندا وعان 35 مىڭ تەڭگە ۇستەماقى جوعارىدا اتاپ وتكەن پاندەردى اعىلشىن تىلىندە بەرەتىن بولسا عانا قوسىلادى»، - دەدى ب. اسىلوۆا.
اۆتور: مارلان جيەمباي
