ب ۇ ۇ سولتۇستىك كورەياعا بۇرىن- سوڭدى بولماعان سانكسيا جاريالادى
بۇل تۋرالى قازاقستان وكىلى ب ۇ ۇ قاۋىپسىزدىك كەڭەسىنىڭ وتىرىسىندا مالىمدەدى، دەپ حابارلايدى «قازاقپارات» ح ا ا ءتىلشىسى.
«ك ح د ر زىمىراندىق جانە يادرولىق باعدارلامالار قاتەرى بارلىق مۇددەلەس تاراپتارعا كەلىسسوزدەر پروتسەسىن جاڭارتۋ ارقىلى ءوزارا قولايلى شەشىمدى تابۋ بويىنشا بىرلەسكەن كۇش- جىگەردى جانداندىرۋ قاجەتتىگىن تۋدىرۋدا. قازاقستاندىق ديپلوماتيانىڭ باعامداۋىنشا، بۇل ماسەلەنى كۇشپەن ەمەس، ديالوگ ارقىلى عانا شەشۋگە بولادى»، - دەلىنگەن ق ر س ءى م باسپا ءسوز قىزمەتى تاراتقان قازاقستان مالىمدەمەسىندە.
ب ۇ ۇ قاۋىپسىزدىك كەڭەسى وتىرىستا ك ح د ر كەڭەستىڭ بارلىق قارارلارىن بۇزاتىن يادرولىق باعدارلاماسىن جۇزەگە اسىرۋدى جالعاستىرۋىنا جاۋاپ رەتىندە ءبىراۋىزدان جاڭا قارار قابىلدادى.
2371 قارار (2017) بالييستيكالىق زىمىران سىناعىنا جاۋاپ رەتىندە قولدانىلعان شارالار ىشىندەگى ەڭ قاتال سانكسيالاردى قامتيدى.
بۇل شارالار سولتۇستىك كورەيانىڭ نەگىزگى ەكسپورتىنا باعىتتالعان جانە وندا كومىر ەكسپورتىنا (سولتۇستىك كورەيانىڭ سىرتقى تابىسىنىڭ ەڭ ءىرى كوزى)، تەمىر، تەمىر كەنى، قورعاسىن، قورعاسىن كەنى جانە تەڭىز ونىمدەرىنىڭ ەكسپورتىنا تولىعىمەن تىيىم سالىندى. ودان بولەك، اتالعان قارار بۇۇ قاۋىپسىزدىك كەڭەسىنىڭ بۇرىن قابىلدانعان قارارلارىن بۇزعان ك ح د ر جەكە جانە زاڭدى تۇلعالارىنىڭ سانكتسيالىق ءتىزىمىن كەڭەيتەدى.
بۇرىن-سوڭدى بولماعان مۇنداي سانكسيالىق شارالار سولتۇستىك كورەيانىڭ يادرولىق باعدارلاماسىن ءارى قاراي جالعاستىرۋعا ارنالعان قارجىلىق مۇمكىندىكتەردى شەكتەۋ ماقساتىندا ونىڭ ۆاليۋتالىق كىرىسىن (شامامەن ۇشتەن بىرىنە دەيىن) قىسقارتۋعا شاقىرادى.
