قىتايداعى جەر سىلكىنىسى سالدارىنان زارداپ شەككەندەر قاتارىندا قازاقستاندىقتار جوق

بەيجىڭ. قازاقپارات - انىقتالعان مالىمەتتەر بويىنشا، ق ح ر سىچۋان پروۆينسياسىنداعى جەر سىلكىنىسى سالدارىنان زارداپ شەككەندەر قاتارىندا قازاقستان ازاماتتارى جوق، دەپ حابارلايدى «قازاقپارات» ح ا ا قىتايداعى ءتىلشىسى ق ر ەلشىلىگىنىڭ كونسۋلدىق بولىمىنە سىلتەمە جاساپ.

جەر سىلكىنىسى بولعان جيۋجايگوۋ ۋەزىنەن قاۋىپسىز ايماقتارعا كوشىرىلگەن 30 مىڭ شەتەل تۋريستەرىنىڭ باسىم بولىگى يتاليا، فرانسيا جانە وڭتۇستىك كورەيا ەلدەرىنىڭ ازاماتتارى بولىپ شىقتى. قازىرگى ۋاقىتقا دەيىن قازا تاپقاندار سانى 12 ادامعا جەتسە، جارالانعاندار - 175.

ايتا كەتەيىك، 7,0 ماگنيتۋدالى جەر سىلكىنىسى 8 -تامىز كۇنى جەرگىلىكتى ۋاقىت بويىنشا ساعات 21.19 (19:19 استانا) كەزىندە سىچۋان پروۆينسياسىنىڭ نگاۆا- تيبەت- سيانسك اۆتونومدى وكرۋگىنىڭ جيۋجايگوۋ ۋەزىندە بولعان. ق ح ر ءتوراعاسى شي جينپيڭ ادامداردىڭ ءومىرىن ساقتاپ قالۋ جانە جەراستى ءدۇمپۋىن ازايتۋعا قولدان كەلگەن بارلىق مۇمكىندىكتى جاساۋعا تاپسىرما بەردى.