كولۋمبيا قازاقستانمەن قارىم-قاتىناسىن تەرەڭدەتۋگە مۇددەلى - ەلشى
بۇل تۋرالى بۇگىن اقوردادا ق ر مەملەكەتتىك حاتشىسى گۇلشارا ءابدىقالىقوۆا سەنىم گراموتاسىن تابىستاعان كولۋمبيا رەسپۋبليكاسىنىڭ ەلشىسى الفونسو لوپەس كابالەر ايتتى، دەپ حابارلايدى قازاقپارات.
«مەملەكەتتىك حاتشى حانىممەن وتە قىزىقتى كەزدەسۋدىڭ وتكەنىن ايتا الامىن. ءبىز قازاقستان مەن كولۋمبيا اراسىنداعى وڭ قارىم-قاتىناستى اتاپ وتتىك. كولۋمبيا بىرنەشە مارتە قازاقستاننىڭ حالىقارالىق باستامالارىنا قولداۋ كورسەتكەن بولاتىن.
ماسەلەن، ەلدەرىڭىزدىڭ ب ۇ ۇ قاۋىپسىزدىك كەڭەسىنىڭ تۇراقتى ەمەس مۇشەسى بولۋىنا قولداۋ كورسەتتىك.
قازاقستان ءوز كەزەگىندە كولۋمبيا احۋالىن رەتتەۋ ءۇشىن ەكىنشى ميسسيا جونەلتۋدى قولدادى. دەگەنمەن، ءبىزدىڭ ەلدەرىمىزدىڭ اراسىنداعى كومممەرتسيالىق جانە مادەني سالالارداعى ىنتىماقتاستىقتى دامىتۋ ءۇشىن ءالى دە بولسا كوپ جۇمىس ىستەۋ قاجەت. ءبىز قارىم-قاتىناستارىمىزدى تەرەڭدەتۋگە شىنايى تۇردە دايىنبىز»، - دەدى ەلشى كەزدەسۋدەن كەيىن ب ا ق وكىلدەرىنە بەرگەن سۇحباتىندا.
ايتا كەتەرلىگى، كەزدەسۋ بارىسىندا مەملەكەتتىك حاتشى قازاقستان مەن كولۋمبيا اراسىنداعى ەكىجاقتى ءوزارا ارەكەتتەستىكتىڭ قوزعاۋشى كۇشى ساۋدا-ەكونوميكالىق ىنتىماقتاستىق بولۋى قاجەت دەپ ەسەپتەيتىندىگىن ايتقان بولاتىن.
«وسىعان وراي تاۋار اينالىمى مەن ءوزارا ينۆەستيتسيالاردى ارتىرۋعا نازار اۋدارا وتىرىپ، ىسكەرلىك بايلانىستارىمىزدى جانداندىرۋىمىز كەرەك»، - دەدى گۇلشارا ءابدىقالىقوۆا كولۋمبيا ەلشىسىمەن كەزدەسۋى بارىسىندا.
اۆتور: مارلان جيەمباي
