قازاقستاندىق اۋە كومپانياسىنا ەۋروپا كەڭىستىگىندە ۇشۋعا رۇقسات ەتىلدى

الماتى. قازاقپارات - ازاماتتىق اۆياتسيا كوميتەتى ەۋروپانىڭ اۋە كەڭىستىگىنە 4-قازاقستاندىق اۋە كومپانياسىنىڭ رۇقسات العانىن مالىمدەدى، دەپ حابارلايدى قازاقپارات.

«تاعى دا ءبىر قازاقستاندىق اۋە كومپانياسىنىڭ ەۋروكوميسسيانىڭ اككرەديتاتسياسىنان وتكەنىن قۋانا حابارلايمىز.

«Comlux-kz» اۋە كومپانياسى ەۋرو كوميسسيانىڭ اككەرديتاتسياسىنان ءوتىپ، ەۋروپا اۋە كەڭىستىگىندە ۇشۋعا رۇقسات الدى. بۇل - ەۋرووداق ەلدەرىنە ۇشا الاتىن 4-قازاقستاندىق كومپانيا.

بۇعان دەيىن، «ەير استانا»، «پرايم»، «قازەيردجەت» كومپانيالارى ەۋرووداقتىڭ اۋە كەڭىستىگىندە ۇشۋعا رۇقسات العان»، - دەپ جازدى «Comlux-kz»كومپانياسىنىڭ ۇجىمىن قۇتتىقتاعان ازاماتتىق اۆياتسيا كوميتەتىنىڭ وكىلدەرى فەيسبۋكتاعى جەكە پاراقشاسىندا.

ت س و - ەۋروپا ەلدەرىنە ۇشۋ ءۇشىن 2014-جىلى ەنگىزىلگەن شەتەل اۋە كومپانيالارىنا جۇرگىزىلەتىن ارنايى اككرەديتاتسيالىق ۇدەرىس.

ايتا كەتەيىك، «Comlux-kz» اۋە كومپانياسى جەكە ۇشاقتارعا باسشىلىق جاساپ، VIP چارتەرلىك رەيستەرىن ورىندايدى. كومپانيادا قازاقستاندا تىركەلگەن 4 ۇشاق بار. 2008-جىلى قۇرىلعان. 2017-جىلدىڭ 27- اقپانىندا قازاقستان پرەزيدەنتى نۇرسۇلتان نازاربايەۆ پەن رەسەي پرەزيدەنتى ۆ. پۋتين الماتىدا اتالعان كومانيانىڭ رەسەيدە قۇرالعان بيزنەس-دجەت ۇشاعىمەن تانىسقان بولاتىن.