قازاقشا ءان ايتاتىن يتاليالىق ءانشى اقتاۋدا تۇسىرىلگەن ۆيدەونى جاريالادى - كەسكىن

استانا. قازاقپارات - قازاق تىلىندە ءان ايتاتىن يتاليالىق ءانشى كاتەردە ءجۇزىپ، پاراپلانمەن ۇشتى، دەپ حابارلادى lada.kz.

«اقتاۋ، باياعىشا، تاماشا. دوستارىما قوناقجايلىقتارى ءۇشىن راحمەت»، - دەدى Son Pascal Instagram-داعى ۆيدەودا. ءاەروتۇسىرىلىمدى اسحات وماروۆتىڭ جەكە ستۋدياسى دايىنداعان.

ونىڭ ايتۋىنشا، مۇنداي روليكتەر قازاقستاننىڭ بىرنەشە قالالارىندا تۇسىرىلگەن. ولار تۋريستەردى تارتۋعا، پاراپلانەريزمدى ناسيحاتتاۋعا، دامىتۋعا باعىتتالعان. Son Pascal ماڭعىستاۋعا ءبىرىنشى رەت كەلىپ تۇرعان جوق، ول اقتاۋدا 2013 -جىلى دا بولعان.