قازاقستاندىق تۋريستەردى تاسىمالدايتىن رەيس بىرنەشە كۇنگە كەشىگەدى

اتىراۋ. قازاقپارات - 5 -تامىز كۇنى ۇشۋى ءتيىس شارم- ەش- شەيح - الماتى باعىتىنداعى رەيس 8 -تامىزعا اۋىستىرىلدى.

بۇل رەيسپەن مىسىردان 245 قازاقستاندىق ۇشىپ شىعۋى ءتيىس ەدى، دەپ حابارلايدى قازاقپارات ءتىلشىسى.

«باسىندا Sanday اىrlines اۋە كومپانياسى 5 -تامىزدا شارم- ەش- شەيح - الماتى باعىتىندا قاتىنايتىن رەيستىڭ 12 ساعاتقا كەشىگەتىندىگىن ايتتى. سوسىن ۇشاقتىڭ ۇشۋى 8 -تامىزعا دەيىن شەگەرىلەتىندىگىن حابارلادى. وسى كەزەڭ ىشىندە بارلىق قازاقستاندىق تۋريستەر قوناق ۇيلەردە بولادى»، - دەدى EasyTravel تۋريستىك كومپانيانىڭ باسشىسى نۇرالحان بيسەنوۆ.

ن. بيسەنوۆ قىزمەت كورسەتەتىن اۋە كومپانيانىڭ باسقا دا رەيستەرىنىڭ كەشىگۋ جاعدايىن جوققا شىعارمادى. بۇعان دەيىن شارم- ەش- شەيحتە 245 قازاقستاندىق تۋريست ۇشا الماي وتىرعاندىعىن حابارلاعان بولاتىنمىز.