قازاقستاندا ەرەسەكتەردىڭ ماتەماتيكالىق ءارى كومپيۋتەرلىك ساۋاتتىلىعى زەرتتەلەدى
PIAAC - 16 دان 65 جاسقا دەيىنگى تۇرعىنداردىڭ ماتەماتيكالىق، وقىرماندىق ءارى كومپيۋتەرلىك ساۋاتتىلىعى دەڭگەيىن اۋقىمدى زەرتتەۋگە نەگىزدەلگەن. اقپاراتتىق- تالداۋ ورتالىعىنىڭ مالىمەتىنشە، ءبىرىنشى كەزەڭدە (2017 -جىلعى تامىز- قاراشا) استانا قالاسى، اقمولا، اقتوبە، اتىراۋ، شىعىس قازاقستان، باتىس قازاقستان، قاراعاندى، قوستاناي، قىزىلوردا، ماڭعىستاۋ، پاۆلودار جانە سولتۇستىك قازاقستان وبلىستارى اۋماعىنداعى ەرەسەك ادامدار زەرتتەۋمەن قامتىلادى دەپ كۇتىلۋدە.
ال 2018 -جىلى (قاڭتار- ءساۋىر) وتەتىن ەكىنشى كەزەڭدە الماتى قالاسى، جامبىل، وڭتۇستىك قازاقستان مەن الماتى وبلىستارى قاتىسادى. جالپى، زەرتتەۋمەن 6000 نان كەم ەمەس ادام قامتىلماق. PIAAC جوباسىن ەكونوميكالىق ىنتىماقتاستىق جانە دامۋ ۇيىمى ۇيلەستىرەدى. قازاقستاندا اتالعان جوبانىڭ ۇلتتىق ۇيلەستىرۋشىسى رەتىندە ق ر ب ع م «اقپاراتتىق- تالداۋ ورتالىعى» ا ق بەكىتىلگەن. قازاقستاننىڭ PIAAC- كە قاتىسۋى ەلدەگى ەرەسەك ادامداردىڭ الەۋەتى مەن باسەكەگە قابىلەتتىگىنە تاۋەلسىز حالىقارالىق باعا بەرۋگە، ەڭبەك نارىعىنا ادامداردىڭ دايىندىعى تۇرعىسىندا ءبىلىم بەرۋ جۇيەسىنىڭ تيىمدىلىگىن تەكسەرۋگە مۇمكىندىك بەرەدى.
بۇل جوباعا قاتىساتىن 37 ەلدىڭ، ونىڭ ىشىندە ە ى د ۇ- عا مۇشە 28 مەملەكەتتىڭ ناتيجەلەرى 2019 -جىلى جاريالانادى.
اۆتور: رۋسلان عابباسوۆ
