قازاقستاندىقتار يمپورتتىڭ ازىق-تۇلىگىن سيرەك تۇتىنا باستادى

استانا. قازاقپارات - نەگىزگى ازىق- تۇلىك تاۋارلارىن ىشكى تۇتىنۋداعى يمپورتتىڭ تومەندەۋى بايقالادى، دەپ حابارلايدى ق ر ا ش م باسپا ءسوز قىزمەتى.

«2017 -جىلعى قاڭتار- مامىر كەزەڭىندە وتكەن جىلدىڭ ۇقساس كەزەڭىمەن سالىستىرعاندا 29 تۇردەن تۇراتىن نەگىزگى ازىق- تۇلىك تاۋارلارىنىڭ 11 ءتۇرى بويىنشا (قوي ەتى 65 پايىزعا، باستى پياز 46 پايىزعا، قىرىققابات 22 پايىزعا، جارمالار 20 پايىزعا، قىشقىل ءسۇت ونىمدەرى 18 پايىزعا، سارى ماي 17 پايىزعا، بيداي ۇنى 14 پايىزعا، وڭدەلگەن ءسۇت 13 پايىزعا، وسىمدىك مايى، ىرىمشىك پەن سۇزبە 10 پايىزعا، اسحانالىق قىزىلشا 5 پايىزعا) يمپورتتىڭ تومەندەۋى تىركەلگەن.

ياعني ازىق- تۇلىك تاۋارلارىنىڭ تۇتىنۋىنداعى 38 پايىز بويىنشا يمپورتتىڭ تومەندەۋى جانە تيىسىنشە 62 پايىز ارتۋى بايقالعان»،  - دەلىنگەن حابارلامادا.

نەگىزگى ازىق- تۇلىك تاۋارلارىن ىشكى تۇتىنۋداعى يمپورت ۇلەسىنىڭ تومەندەۋى قۇس ەتىنە 2,7 پايىزعا، جارمالار 2,4 پايىزعا، وڭدەلگەن ءسۇت 0,1 پايىزعا، سارى ماي 5,7 پايىزعا، وسىمدىك مايى 3,4 پايىزعا، بالىق 5,6 پايىزعا بەلگىلەنۋدە. تيىسىنشە وسى تاۋارلار بويىنشا وتاندىق ءوندىرىس ارتىپ، يمپورتتى الماستىرۋدا.