باياناۋىلدا ءۇش ەلدىڭ ستۋدەنتتەرى قازبا جۇمىستارىن جۇرگىزەدى
وڭىرلىك كوممۋنيكاتسيالار قىزمەتىندە وتكەن باسپا ءسوز ءماسليحاتىندا پاۆلودار مەملەكەتتىك پەداگوگيكالىق ينستيتۋتىنىڭ پرورەكتورى ەربول يساقايەۆ اتاپ وتكەندەي، باياناۋىلعا 12 قازاقستاندىق جانە ءتورت شەت ەل وقۋ ورىندارىنىڭ ستۋدەنتتەرى اتتانادى، دەپ حابارلايدى pavlodarnews.kz.
شارانى QazaqGeography قازاقستان ۇلتتىق گەوگرافيالىق قوعامى، پاۆلودار مەملەكەتتىك پەداگوگيكالىق ينستيتۋتى جانە «پاۆلودار گەوگرافيا ءۇيى» قوعامدىق بىرلەستىگى ۇيىمداستىرۋدا. «ۇلتتىق ساياباق اۋماعىندا عىلىمي- تانىمدىق زەرتحانا اشىلىپ، تاريحي- ارحەولوگيالىق، ەكولوگيالىق- بيولوگيالىق جانە گەولوگيالىق- گەوگرافيالىق زەرتتەۋلەر جۇرگىزىلەدى. جاستار تورايعىر كولىندەگى اسپان استى مۇراجايىن تاماشالاپ، قازبا جۇمىستارىنا قاتىسادى، بۇلاقتاردى تازالاپ، سيرەك وسىمدىكتەرمەن جۇمىس ىستەمەك. ستۋدەنتتەردى توسىن سىي كۇتىپ تۇر، ءبىز قىرعىستان، رەسەي مەن قازاقستاننان رەستاۆراتورلاردى شاقىردىق. 26 شىلدە كۇنى جاسىبايدا ءۇش كۇندىك تۋرنير وتەدى. تاريحي جەكپە- جەكتەردى قايتا جاڭعىرتىپ، شاراعا 70-تەن استام جاس قاتىساتىن بولادى»، - دەدى ەربول يساقايەۆ.
29 -شىلدە كۇنى قاتىسۋشىلار «ەرتىس دۋمانى» مەرەكەسىن اتاپ وتەدى، 30 -شىلدە كۇنى ەكولوگيالىق ماسەلەلەرگە باعىتتالعان دوڭگەلەك ۇستەلگە قاتىسادى.
