استانا سينگاپۋرمەن ستراتەگيالىق ارىپتەستىكتى نىعايتۋدا
كەزدەسۋ اياسىندا قالا باسشىسى قوناقتاردى ەلباسىنىڭ تاپسىرماسىمەن ىسكە اسىرىلعان 2020 -جىلعا دەيىنگى استانانىڭ دامۋ جوسپارىمەن تانىستىردى.
اكىم كەزدەسۋگە كەلگەندەرگە باعدارلامانىڭ باعىتتارىنىڭ ءبىرى- استانا حالىقارالىق قارجى ورتالىعىن قۇرۋمەن ەلوردامىزدى اقىلدى ءارى قاۋىپسىز قالا، وڭىرلىك حالىقارالىق ورتالىق رەتىندە قالىپتاستىرۋ جونىندە ايتىپ بەردى.
قازاقستان تاراپىنان ناقتى جوبالار ۇسىنىلدى: قوعامدىق كولىك، دەنساۋلىق ساقتاۋ، ءبىلىم، قاۋىپسىزدىك، اكىمدىك جانە قالالىق قىزمەتتە جۇمىستىڭ شىنايىلىعى سىندى سالادا قالالاردى جوسپارلاۋ جانە باسقارۋ جۇيەسىنە سمارت- تەحنولوگيالاردى ەنگىزۋ. كەزدەسۋ قورىتىندىسى بويىنشا تاراپتار ءۇش باعىتتا جوبالاردى بىرلەسىپ ىسكە اسىرۋعا جانە ىنتىماقتاستىق ورناتۋعا كەلىستى.
ءبىرىنشى- سينگاپۋر ەلىنىڭ تاجىريبەسىن زەردەلەۋ جانە ونى استانادا ەنگىزۋ، «اقىلدى» ينفراقۇرىلىم بويىنشا رەگلامەنتتەردى ەنگىزۋ مەن جۇمىستى ۇيىمداستىرۋ، سيفرلىق ينجينيرينگ، جوبالاۋ كەزىندە بيم-تەحنولوگيانى قولدانا وتىرىپ «جاسىل» قۇرىلىستا، قۇرىلىس سالۋعا رۇقسات قاعازدارىن الۋدا، قۇرىلىس جانە عيماراتتاردى باسقارۋدا سينگاپۋرلىق ءادىس- تاسىلدەردى ۇيرەنۋ جانە ونى ءوز ەلىمىزدە قولدانۋ.
ەنەرگيانى ۇنەمدەيتىن تەحنولوگيالاردى قولدانا وتىرىپ «جاسىل» قۇرىلىستىڭ ماسەلەسى جەكە قارالدى. سينگاپۋردا جەكە «جاسىل» ستاندارت ازىرلەنگەن، سول «جاسىل» ستاندارتقا سايكەس عيماراتتار سانى قازىرگى ۋاقىتتا 33 پايىزدى قۇراپ وتىر.
ەكىنشى كەلىسىم قوعامدىق كولىك، تۇراقتار، جولدار قۇرىلىسىن جوسپارلاۋ، سونداي-اق قوعامدىق كولىك سالاسىندا ىنتىماقتاستىق جاساسۋعا بايلانىستى بولدى، اقپاراتتىق تەحنولوگيالاردى ەنگىزۋ جانە ت. ب. ماسەلەلەر قاراستىرىلدى. ءۇشىنشى- سمارت- تەحنولوگيالاردى قولدانۋمەن قوعامدىق دەنساۋلىق ساقتاۋ سالاسىندا ىنتىماقتاستىقتى ارتتىرۋ جوسپارلانۋدا.
