قازاقستاننان قاجىلىققا قانشا قاراجاتقا بارۋعا بولادى؟

استانا. قازاقپارات - قازاقستان مۇسىلماندارى ءدىني باسقارماسىنىڭ جانىنان بيىل «تاۋاف» قاجىلىق كومپانياسى اشىلىپ وتىر.

تۋريستىك فيرما بيىلعى جىلى 300 ادامدى قاجىلىققا اپارماق.

بۇل تۋرالى Sputnik حابارلايدى.

«قاجىلىق سالاسىنداعى ءتۇرلى تۋريستىك كومپانيالاردىڭ ۇلى قاجىلىقتى، عيباداتتى تۋريستىك ساپارعا نەمەسە بيزنەس كوزىنە اينالدىرىپ جىبەرگەنى بارشامىزعا ايان. وسى ماقساتتا ءدىني باسقارما كوپ جىلدان بەرى نيەت ەتكەن تۋريستىك كومپانيا بيىل قۇرىلدى. ماقساتىمىز بيزنەسكە، تۋريستىك ساپارعا اينالعان ۇلى قۇلشىلىق ساپارىن ءوز دەڭگەيىندە حالىققا پاش ەتۋ. جالپى، قاجىلىققا نيەت ەتكەن ازاماتتاردىڭ قۇلشىلىعىن ءوز دەڭگەيىندە اتقارۋعا كومەكتەسۋ»، - دەيدى «تاۋاف» قاجىلىق كومپانياسىنىڭ ديرەكتورى ءجاندىللا بەكجىگىتوۆ.

جالپى، بيىل ەلىمىزدە 2,5 مىڭ ادام قاجىلىققا بارماق. ونىڭ 300 ىن ءدىني باسقارما جانىنان قۇرىلعان تۋريستىك كومپانيا اپارۋدى كوزدەپ وتىر.

«ەكى قىزمەت پاكەتىن ۇسىنامىز. ءبىرىنشىسى -  «ەكونوم»، قۇنى - 3800 دوللار. ەكىنشىسى -  «ستاندارت»، باعاسى - 4200 دوللار. ءدىني باسقارمانىڭ قاجىلىق كومپانياسى بولعاننان كەيىن تەك قاجىعا كەتەتىن شىعىندى شىعارىپ الۋدى ۇيعارىپ وتىرمىز. ۇشۋى، جاتاتىن جەرى، ءجۇرىپ- تۇرۋى، تاماعى -  وسىلاردىڭ شىعىنى شىعارىلىپ الادى. ونىمەن بىرگە توپ باسشىسى يمامدار بارادى، ولاردىڭ شىعىنى قوسىلادى. «ەكونوم» مەن «ستاندارتتىڭ» ايىرماشىلىعى قوناقۇيدە عانا بولادى»، - دەيدى ول.

بۇدان بولەك، تۋريستىك كومپانيانىڭ يمامدارى قاجىلىققا نيەت ەتكەن ادامداردى ۇلى رۋحاني ساپارعا دايىندايتىن بولادى.

ءدىني باسقارما وكىلدەرى «تاۋاف» قاجىلىق كومپانياسىنىڭ پايدا تابۋدى كوزدەمەيتىنىن ايتىپ وتىر. ول الداعى ۋاقىتتا قاجىلىق ساپارى ءۇشىن ارزان باعا ۇسىناتىن، حالىققا ىڭعايلى جاعداي جاسايتىن فيرماعا اينالادى دەگەن پىكىردە.

بيىل ساۋد ارابياسىنا قازاقستاندىقتار 22-26 -تامىز ارالىعىندا تاسىمالداناتىن بولادى. ەلگە قاجىلار 6-10 -قىركۇيەكتە ورالادى.

ايتا كەتسەك، بيىل قاجىلىققا نيەت ەتكەندەر استانا، الماتى جانە شىمكەنت قالالارىنان تىكەلەي مەككە، ءمادينا جانە جيددا قالالارىنا جەتۋ مۇمكىندىگىنە يە بولىپ وتىر.