سۇلۋلاردىڭ ءتۇن ۇيقىسىن ۇرلاعان داۋلەت تۇرلىحانوۆتىڭ ۇلى جايلى نە بىلەمىز؟ - فوتو
عالامتوردا قىزداردىڭ قىزىعۋشىلىعىن وياتقان جىگىتكە رومانتيكاعا تولى سمس حاتتار ءجيى كەلەتىن كورىنەدى. ال سۇلۋلاردىڭ سەزىمىن سەلت ەتكىزگەن سەرى داۋلەت تۇرلىحانوۆتىڭ ۇلى.
بۇل تۋرالى ن ت ك ارناسىنىڭ «ريەۆيۋ» باعدارلاماسىندا ايتىلدى.
ەراسىلدى اكەسى 6 جاسىندا دزيۋدو سپورتىنا بەرەدى. بۇگىندە 20 جاستاعى جىگىت قازاقستاننىڭ 5 دۇركىن جەڭىمپازى، ەۋروپا كۋبوگىنىڭ فيناليستى، ازيا چەمپيوناتىنىڭ 3- ورىن يەگەرى. ءدال قازىرگى تاڭدا الەم بىرىنشىلىگىنە قىزۋ دايىندىق ۇستىندە. داڭقتى بالۋان، ۇلىنىڭ ءار قادامىن ءجىتى قاداعالاپ، كۇندەلىكتى بىرگە جاتتىعادى. ءتىپتى، سپورتتى سەرىك ەتكەن اكە مەن بالانىڭ تىعىز كەستەسى دە تۇزىلگەن.
«تاڭەرتەڭ تۇرامىز، تاماق ىشەمىز. ترەنيروۆكاعا بارامىز. ءبىرىنشى جۇگىرەمىز. ساباق تۋرالى، سپورت تۋرالى. كۇندە اكەممەن بىرگە كۇرەسەمىز، جۇگىرەمىز»، - دەيدى داۋلەت تۇرلىحانوۆتىڭ ۇلى ەراسىل بولات.
ەراسىل بۇگىندە ءال-فارابي اتىنداعى قازاق ۇلتتىق ۋنيۆەرسيتەتىنىڭ ستۋدەنتى. سونداي-اق، جاپون، اعىلشىن تىلدەرىن جەتىك مەڭگەرگەن جىگىتتىڭ بىلىمگە دەگەن قۇشتارلىعىن وياتۋدا اقىن ءجۇرسىن ەرماننىڭ ءرولى ەرەكشە ەكەن.
«ءجۇرسىن اتام، ول مەنىڭ ناعاشى اتام. ول مەنىڭ ومىرىمدە ۇلكەن ءبىر ورىندا وينايدى. ويتكەنى ول ماعان اقىل بەرەدى»، - دەيدى ەراسىل بولات.
ءيا، ەراسىل سپورتپەن قاتار، سۇلۋلاردىڭ دا سەزىمىن سەلت ەتكىزىپ ءجۇر. جاس جىگىتتىڭ جەلىگە جۇكتەگەن ءار سۋرەتى جاعىمدى پىكىرلەرگە تولى.
«وتە ادەمى جىگىت»، «قانداي سىمباتتى جىگىت! كوز تيمەسىن بالۋان!» - دەپ جازادى قىزدار.
«ەستىپ تۇرامىن كۇندە قىزدارعا ۇنايتىنىمدى. ءبىراق، ولاردى ومىرىمدە كورگەندە مەنەن قاشادى، ۇيالادى، كۇلەدى. كوبىنەسە ساۋساقپەن كورسەتەدى. ءبىراق، كەلمەيدى قاسىما. كوبىنەسە ينتەرنەتتە جازادى. مەن سەنى كوردىم، سالەم، تانىسۋعا بولادى ما، اتىڭ كىم دەپ سوندايلاردى جازادى»، - دەيدى ەراسىل.
قازىر، اكە جولىن قۋعان ەراسىلدىڭ باستى ارمانى بار. ول 2020- جىلى توكيو تورىندە وليمپ شىڭىن باعىندىرۋ.
