قازاقستان ەۋروپا بويىنشا كودەكس اليمەنتاريۋستىڭ ۇيلەستىرۋشىسى بولىپ تاعايىندالدى
اتالعان سەسسيعا ق ر دەنساۋلىق ساقتاۋ مينيسترلىگىنىڭ قوعامدىق دەنساۋلىقتى ساقتاۋ كوميتەتىنىڭ ءتوراعاسى - باس مەملەكەتتىك سانيتاريالىق دارىگەرى جانداربەك بەكشين باستاعان قازاقستان دەلەگاتسياسى قاتىستى.
اتالعان سەسسيادا قازاقستان رەسپۋبليكاسى 2018-2019-جىلدارعا كودەكس اليمەنتاريۋس كوميسسياسىنىڭ ەۋروپا بويىنشا ف ا و/د د ۇ ۇيلەستىرۋشى كوميتەتىنىڭ ءتوراعاسى رەتىندە ءبىراۋىزدان تاعايىندالدى.
قازاقستان قۇرامىنا ەۋروپا ءوڭىرى مەن ورتالىق ازيانىڭ 52 ەلى كىرەتىن ف ا و/د د ۇ- نىڭ ۇيلەستىرۋشى كوميتەتىنە 2003-جىلدان باستاپ مۇشە بولىپ تابىلادى. كودەكستىڭ ميسسياسى تاماق ونىمدەرىنىڭ قاۋىپسىزدىگىن جانە عالامدىق دەڭگەيدە ادال ساۋدانى قامتاماسىز ەتۋ، تاماق ونىمدەرىنە ارنالعان حالىقارالىق ستاندارتتاردى جانە تاعام قاۋىپسىزدىگىن قامتاماسىز ەتۋدىڭ باسشىلىققا الىناتىن قاعيداتتارىن ازىرلەۋدەن تۇرادى.
قابىلداناتىن ستاندارتتار تاعامدىق قوسپالار ءۇشىن رۇقسات ەتىلگەن شەكتى كورسەتكىشتەر نەمەسە پەستيتسيدتەردىڭ قالدىق مولشەرلەرى تۋرالى ەرەجەلەردى ازىرلەۋدەن تاڭبالاۋدا تاعامدىق قۇندىلىعى تۋرالى مالىمەتتەردى كورسەتۋ بويىنشا باسشىلىق، تاعام ونىمدەرى گيگيەناسىنىڭ جانە ميكروبقا قارسى پرەپاراتتارعا قاتىستى ورنىقتىلىقتىڭ جالپى پرينتسيپتەرىن قولدانۋ بويىنشا ادىستەمەلىك نۇسقاۋلارعا دەيىن ازىرلەۋدى قامتيدى.
ەۋروپا بويىنشا ف ا و/د د ۇ ۇيلەستىرۋشى كوميتەتىنە ءتوراعالىق ەتۋ قازاقستانعا ەكونوميكالىق ىنتىماقتاستىق جانە دامۋ ۇيىمى ەلدەرىنىڭ تاجىريبەسى بويىنشا تاعام قاۋىپسىزدىگىن قامتاماسىز ەتۋ ءۇشىن ۇلتتىق ستراتەگيانى ءتيىمدى ىسكە اسىرۋعا بىرەگەي مۇمكىندىك الۋعا، بيزنەستى قولايلى جۇرگىزۋ ءۇشىن تاعام ستاندارتتارىن ۇيلەستىرۋگە جانە قولدانۋعا، ەلدىڭ ەكسپورتتىق الەۋەتىن ارتتىرۋعا، وتاندىق ونىمدەردى الەمدىك نارىققا جىلجىتۋعا جانە حالىقارالىق عالامدىق ەكونوميكاعا ينتەگراتسيالانۋعا مۇمكىندىك بەرەدى.
ايتا كەتۋ كەرەك، 50 جىلدان اسا ۋاقىت ىشىندە كودەكستىڭ مۇشە ەلدەرى حالىقارالىق نارىقتاردا ىسكە اسىرىلاتىن تاماق ونىمدەرىنىڭ ستاندارتتارىن كەلىسۋ بويىنشا جۇمىستار جۇرگىزۋدە. بۇل ستاندارتتار تۇتىنۋشىلاردىڭ قاۋىپسىزدىگىن، قوعامدىق دەنساۋلىق ساقتاۋدى جاقسارتۋعا جانە ەلدەر اراسىنداعى ارتىق ساۋدا كەدەرگىلەرىن قىسقارتۋعا مۇمكىندىك بەردى.
وسىنداي بىرلەسكەن جۇمىس ەلدەرگە كودەكس ستاندارتتارىمەن كەپىلدىك بەرىلگەن ساپالى جانە قاۋىپسىز تاعام ءونىمىن ساتىپ الۋعا مۇمكىندىك بەرەدى.
ەسكە سالا كەتسەك، اليمەنتاريۋس كودەكسىنىڭ كوميسسياسى ازىق-تۇلىك جانە اۋىل شارۋاشىلىعى ۇيىمىنىڭ (ف ا و (Food and Agriculture Organization, FAO) جانە دۇنيەجۇزىلىك دەنساۋلىق ساقتاۋ (د د ۇ) ۇيىمىنىڭ بىرلەسكەن ۇكىمەتارالىق ورگانى بولىپ تابىلادى جانە الەمنىڭ 7 گەوگرافيالىق وڭىرىنەن 188 مۇشە ەلدى قامتيدى.
التى وڭىرلىك ۇيلەستىرۋشى كوميتەتتەن (افريكا، ازيا، ەۋروپا، تاياۋ شىعىس، لاتىن امەريكاسى ەلدەرى جانە كاريب ءوڭىرى، سولتۇستىك امەريكا ەلدەرى) جانە جالپى ماسەلەلەر مەن تاۋارلار بويىنشا 18 كوميتەتتەن تۇرادى.
