استاناعا دۇنيەجۇزىنە بەلگىلى وپەرا ءانشىسى كەلدى
«كەلەسى اپتانى ماەسترو ەلوردالىق تەاتردا وتكىزەدى. ول «وپەراليا» بايقاۋى اياسىندا الەمگە جاڭا وپەرا جۇلدىزىن تانىستىرادى»، - دەپ حابارلادى «استانا وپەرا» تەاترىنان.
ەسكە سالساق، الەمدەگى ەڭ بەدەلدى «وپەراليا پلاسيدو دومينگو» وپەرا بايقاۋى «استانا وپەرادا» 24-29 -شىلدە ارالىعىندا ق ر مادەنيەت جانە سپورت مينسترلىگىنىڭ قولداۋىمەن ەكسپو-2017 باعدارلاماسىنىڭ اياسىندا وتەدى.
«وپەراليانىڭ» جيىرما بەسىنشى ماۋسىمىنا قاتىساتىن الەمنىڭ 17 ەلىنىڭ دارىندى 40 جاس ۆوكاليستەرىنىڭ قاتارىنا «استانا وپەرا» ءانشىسى كوپتەگەن حالىقارالىق بايقاۋلاردىڭ لاۋرەاتى ماريا مۋدرياكتى قوسقاندا، 4 قازاقستاندىق ءانشى كىرەدى. قۇرمەتتى قوناق - ك س ر و حالىق ءارتىسى بيبىگۇل تولەگەنوۆا.
جۇرتشىلىق بايقاۋدىڭ بارلىق كەزەڭدەرىن تاماشالاي الادى. 24, 25 جانە 26 -شىلدەدە وتەتىن شيرەك فينال جانە جارتىلاي فينال تۋرلارى تىڭداۋ نىسانىندا وتەدى. قاتىسۋشىلار «وپەراليا» كونسەرتمەيستەرىنىڭ اككوپانەمەنتىمەن الەمدىك وپەرا كلاسسيكاسىنان ولار تاڭداعان اريانى ورىندايدى. 29 -شىلدەدە فينال كەزىندە جەڭىسكە ون ۇمىتكەر ماەسترو دومينگونىڭ باسقارۋىمەن «استانا وپەرا» سيمفونيالىق وركەستىرىنىڭ سۇيەمەلدەۋىمەن ونەر كورسەتەدى.
ەسكە سالساق، «وپەرالياعا» 18-32 جاس ارالىعىنداعى كەز كەلگەن داۋىستى (باستان سوپرانوعا دەيىن) انشىلەر قاتىسا الادى. جالپى جۇلدە قورى 180000 ا ق ش دوللارى.
ەرلەر مەن ايەلدەر داۋىستارى اراسىندا 1-،2-، جانە 3-سىيلىق لاۋرەاتتارىن ماراپاتتاۋدان باسقا، جۇلدەنىڭ ىشىندە ر. ۆاگنەر، ر. شتراۋس وپەراسىنان رەپەرتۋارلاردى ۇزدىك ورىنداعانى ءۇشىن ب. نيلسون اتىنداعى سىيلىق، سارسۋەلدى (وپەرەتتەگە جاقىن يسپان مۋزىكالىق- ستسەنالىق جانر) ۇزدىك ورىنداعانى ءۇشىن پەپيتا ەمبيل دە دومينگو مەن اعا پلاسيدو دومينگو سىيلىعى بار.
