10:51, 23 - شىلدە 2017 | GMT +6
ە چ: جەڭىمپاز اتانعان بەلارۋس جەڭىل اتلەتى ءانۇران قاتە ورىندالعاندىقتان تۇعىردان ءتۇسىپ كەتتى
استانا. قازاقپارات - ەۋروپا جاسوسپىرىمدەر چەمپيوناتىندا جەڭىمپاز اتانعان بەلارۋس جەڭىل اتلەتى ۆيولەتتا سكۆورتسوۆا ءانۇران قاتە ورىندالعاندىقتان تۇعىردان ءتۇسىپ كەتتى.
بۇل تۋرالى بەلارۋس جەڭىل اتلەتيكا فەدەراتسياسىنىڭ باسپا ءسوز قىزمەتى حابارلادى. ۇيىمداستىرۋشىلار قاي ەلدىڭ ءانۇرانى ورىندالعاندىعىن ايتپاي وتىر.
رەسمي تۇلعالار ونىڭ ورنىنا قايتا كەلۋىن تالاپ ەتىپ، ءتىپتى جارىستان شىعارىپ تاستايتىندىقتارىن ايتىپ قورقىتقانىمەن سپورتشى ءۇزىلدى-كەسىلدى باس تارتتى. قورىتىندىسىندا ەۋروپا چەمپيوناتىنىڭ ۇيىمداستىرۋشىلارى سكۆورسوۆادان كەشىرىم سۇراپ، ماراپاتتاۋ ءراسىمىن 22 -شىلدەدە قايتا وتكىزۋگە ۋادە بەردى. 19 جاستاعى ۆيولەتتا سكۆورسوۆا قاتارىنان ءۇش رەت سەكىرۋدەن جەڭىسكە جەتتى. تۋرنير يتاليادا گروسسەتودا ءوتىپ جاتىر.
اۆتور: ەرلان قوجاكەلديەۆ
