بيبىگۇل تولەگەنوۆا «ەۋرازيا» كينوفەستيۆالىنىڭ ارنايى سىيلىعىنا يە بولدى
اتالعان ماراپاتقا ك س ر و حالىق ءارتىسى بيبىگۇل تولەگەنوۆا يە بولدى، دەپ حابارلايدى قازاقپارات ءتىلشىسى.
«وسى جاسقا كەلىپ، سىزدەرمەن بىرگە بۇگىنگى مەيرامدى اتاپ ءوتىپ وتىرعانىما وتە قۋانىشتىمىن. مەنىڭشە، الەمنىڭ تۇكپىر-تۇكپىرىنەن تانىمال ارتىستەردىڭ كەلىپ، ءوز ونەرلەرىن پاش ەتكەنى ۇلكەن قۋانىش ءارى مارتەبە. مەنىڭ تىلەگىم ءبىر، اسپانىمىز اشىق بولسىن! وسىنداي كەزدەسۋلەر كوپ بولسىن!»، - دەدى بيبىگۇل تولەگەنوۆا كينوفەستيۆالدىڭ اشىلۋ سالتاناتىندا.
وسىدان كەيىن حالىق ءارتىسى «كوكتەم تۋرالى ۆالس» ءانىن ورىنداپ بەردى.
ايتا كەتەيىك، بۇگىن «ەۋرازيا» كينوفەستيۆالى اياسىندا گولليۆۋد جۇلدىزدارى قىزىل كىلەمگە قاراماي، قازاق جانكۇيەرلەرىمەن ارنايى امانداستى. پرەزيدەنت نۇرسۇلتان نازاربايەۆ تا كينوفەستيۆال قاتىسۋشىلارىنا ءوز قۇتتىقتاۋىن جولدادى.
اۆتور: ارمان اسقاروۆ
