لاتىنعا ءوتۋ حالىقتارىمىزدى بىرىكتىرمەيدى، كەرىسىنشە بولەدى - قىرعىزستان پرەزيدەنتى
بۇل تۋرالى قىرعىزستان پرەزيدەنتى المازبەك اتامبايەۆ 20 -شىلدەدە «التاي وركەنيەتى جانە التاي تىلدىك وتباسىنىڭ تۋىس حالىقتارى» حالىقارالىق فورۋمىندا مالىمدەدى، - دەپ حابارلايدى AKIpress.
«ءبولىپ ال دا، بيلەي بەر» دەگەن پانتيۋركيزم ادىستەرى ءبىزدىڭ حالىقتارعا قارسى رەسەي يمپەرياسىندا دا، ك س ر و- دا دا قولدانىلعان. امال نە، بۇعان عالىمدار دا ءجيى قولدانىلعان. ماسەلەن، تۇركى حالىقتارىنىڭ كلاسسيفيكاتسياسىن توپتار بويىنشا قاراستىرىپ كورەيىك. ولاردىڭ بىرىندە التاي، قىرعىز، قازاق، قاراقالپاق، تارات جانە باشقۇرت تىلدەرى قىپشاق توبىنا جاتادى، ونىڭ قۇرامىندا حاكاستار مەن شورلار بار، الايدا قىرعىزداردىڭ ءوزى جوق. بۇل حالىقتاردىڭ ءبارى ءبىر توپتا بولۋى ءتيىس، سەبەبى سول تىلدەردىڭ وكىلدەرى ءوز تىلدەرىندە ءبىر- بىرىمەن ەشقانداي اۋدارماشىسىز ەركىن ءتىل الماسا الادى»، - دەپ كەلتىرەدى باسىلىم قىرعىزستان باسشىسىنىڭ ءسوزىن.
سونداي-اق، ول قازىرگى ۋاقىتتا ت م د- نىڭ لاتىنعا كوشىپ جاتقان كەيبىر ەلدەرى جايلى ايتتى. «بىرەۋلەر لاتىن قارپى دامىعان مەملەكەتتەردىڭ ەملەسى دەگەندى ايتادى. ءبىراق قىتاي مەن جاپونيا لاتىنسىز-اق دامىدى عوي. ءبىز نەگە رەسەيدە تۇرىپ جاتقانداردى - باشقۇرتتاردى، تاتارلاردى ۇمىتامىز؟ ولار كيريلل قارپىندە قالا بەرەدى عوي. ءدال سولارمەن ءبىز ءتىلىمىزدى دامىتىپ، ءوزارا بايىتا الار ەدىك»، - دەدى اتامبايەۆ.
