10:29, 21 - شىلدە 2017 | GMT +6
تاشكەنتتە ت م د ۇكىمەت باسشىلارى كەڭەسىنىڭ وتىرىسى وتەدى
استانا. قازاقپارات - تاشكەنتتە 3 قاراشا كۇنى ت م د ۇكىمەت باسشىلارى كەڭەسىنىڭ وتىرىسى وتەدى.
بۇل تۋرالى مينسكىدە وتكەن دوستاستىققا مۇشە مەملەكەتتەردىڭ تۇراقتى وكىلەتتى وكىلدەر كەڭەسىنىڭ وتىرىسىندا بەلگىلى بولدى، دەپ حابارلايدى podrobno.uz.
تاۋەلسىز مەملەكەتتەر دوستاستىعى ۇكىمەت باسشىلارىنىڭ كەڭەسى ەكونوميكالىق، الەۋمەتتىك جانە باسقا دا سالالارداعى ورتاق مۇددەنى اتقارۋشى بيلىك ورگاندارىنىڭ ىنتىماقتاسۋىن ۇيلەستىرەدى.
ۇكىمەت باسشىلارىنىڭ كەڭەسىنىڭ وتىرىسى جىلىنا ەكى رەت وتكىزىلەدى، كەزەكتەن تىس وتىرىس مۇشە مەملەكەتتەردىڭ ىشىندەگى كەز كەلگەن ۇكىمەتتىڭ باستاماسى بويىنشا شاقىرىلۋى مۇمكىن.
سوڭعى وتىرىس 2017-جىلدىڭ مامىر ايىندا قازان قالاسىندا ءوتتى.
