ا ق ش ەلشىلىگى قىزىلوردالىق پوليتسەيلەرگە جاڭا اۆتوكولىكتەر سىيلادى
دەپ حابارلايدى قازاقپارات ءتىلشىسى وبلىستىق ءى ءى د- گە سىلتەمە جاساپ.
قازاقستان رەسپۋبليكاسىنداعى ا ق ش ەلشىلىگىنىڭ اسكەري ىنتىماقتاستىق ءبولىمى جولى كۇردەلى اۋماقتارعا ارنالعان اۆتوكولىكتەر، سونداي- اق قىزمەتتىك- ىزدەستىرۋ يتتەرىن تاسۋ ءۇشىن جاراقتاندىرىلعان گاز-27527 «سوبول» اۆتوكولىگىن قايتارىمسىز نەگىزدە تاپسىرىپ وتىر.
امەريكا قۇراما شتاتتارىنىڭ قازاقستانداعى ەلشىلىگىنىڭ بولىمدەرى ىنتىماقتاستىق اياسىندا ەسىرتكى بيزنەسىنە قارسى كۇرەس ارنايى بولىنىستەرىنە تەحنيكالىق قۇرال- جابدىقتاردى بىرنەشە جىلدار بويى بەرىپ كەلەدى. ەسىرتكى بيزنەسىنە قارسى كۇرەستى تىكەلەي جۇزەگە اسىرۋشى بولىنىستەر مەن كينولوگيالىق قىزمەتكە سوڭعى 5 جىلدا جالپى سوماسى 2 ميلليارد تەڭگەدەن استام قارجى ءبولىندى. ق ر ىشكى ىستەر مينيسترلىگى ەسىرتكى بيزنەسىنە قارسى كۇرەس جانە ەسىرتكى اينالىمىن باقىلاۋ دەپارتامەنتى باستىعىنىڭ ورىنباسارى پوليتسيا پولكوۆنيگى ارداق ەرسەيىتوۆ اتالعان اۆتوكولىكتەر ەسىرتكىگە قارسى كۇرەستىڭ حالىقارالىق باعدارلاماسى شەڭبەرىندە ساتىپ الىنعاندىعىن جانە جەتۋ جاعدايى كۇردەلى اۋماقتاردا جەدەل ىزدەستىرۋ شارالارىن جۇرگىزۋ ءۇشىن قولدانىلاتىندىعىن اتاپ كورسەتتى.
اتاپ وتەرلىك جايت، قۇرامىندا ەسىرتكى زاتى بار وسىمدىكتەردى انىقتاۋ، وسىنداي دەرەكتەرگە قاتىستى كەلىپ تۇسكەن حابارلامالارعا جەدەل تۇردە دەن قويىپ، بارلىق قۇزىرلى قىزمەت سالالارىمەن وسى باعىتتاعى جۇمىستى ۇيلەستىرۋ ماقساتىندا 2017 -جىلى قىزىلوردا وبلىستىق ىشكى ىستەر دەپارتامەنتىندە «دەلتا- سىرداريا» ارنايى بولىمشەسى قۇرىلعان بولاتىن.
اۆتور: ەلۋباي اۋەزوۆ
