ق. جولدىباي ۇلى: العاشقىدا «ۇستامدى» بولادى، سوسىن راديكالعا وتەدى
العاشقىدا «ۋمەرەننىي»(ۇستامدى) بولادى، سوسىن راديكالعا وتەدى. اۋەلى مىنەزى وزگەرەدى، قوعامعا دەگەن كوزقاراسى اينيدى.
اينالاسىنىڭ ءبارى شيرك جاساپ، بيدعات پەن كۇناعا بەلشەدەن باتىپ جۇرگەن توزاقتىق جاندار بولىپ ەلەستەيدى. قوعاممەن تۇسىنىسە الماعان جان، ءوزىن ۇنەمى بوتەن سەزىنەدى. اينالا بىتكەننىڭ ءبارىن دۇشپان سانايدى.
اۋەلى دوس-جاران، تانىستارىنان، كەيىننەن تۋىستارىنان ايرىلادى. بارا-بارا كەڭ دۇنيە تارىلىپ، قارا تۇنەككە اينالادى. ءومىر ءسۇرۋ قيىنداي بەرەدى. ەل قاتارلى جۇمىسقا تۇرىپ، وندا تۇراقتاپ جۇمىس ىستەي المايدى. بولاشاعى جوق. ەندى نە ىستەيدى؟ بۇدان شىعار جول نە؟ تەزىرەك كەتۋ. قايدا؟ جۇماققا. وڭايى وسى دەپ ويلايدى.
تاكفيريتتەردىڭ كوبىسىنىڭ العاشقىدا ۇستامدىمىز دەپ جۇرگەن ەلگە تانىمال ءسالافي ۋاعىزشىلارىنىڭ شاكىرتى بولعاندىعى ايتىلىپ ءجۇر. بۇل جاي سىلدىر سۋ اقپارات ەمەس دەپ ويلايمىن. اقيدا، نەگىزگى ءدىني كوزقاراستارى مەن بيدعات، شيرك، تاۋحيد تۇسىنىكتەرى، وقيتىن نەگىزگى ادەبيەتتەرى بىردەي بولعاندىقتان، راديكالدىقتىڭ ۋمەرەننىيعا(ۇستامدىلىققا)، ۋمەرەننىيدىڭ راديكالعا ءوتىپ كەتۋى تابيعي قۇبىلىس. قاي جاعىنىڭ ۋاعىزى پارمەندى بولسا، سول جاققا ءوتىپ كەتە بەرەدى. ويتكەنى ەكەۋى دە اعايىندى ەگىز يدەولوگيا. ولاردى دۇنيەگە اكەلگەن اكە- شەشەسى ءبىر.
مەن وسىعان دەيىن دە ايتاتىن ۋاجدەرىمدى ايتتىم. قالعانىن ءتيىستى مەكەمەلەر شەشەر.
ءدىن تانۋشى عالىم قايرات جولدىباي ۇلىنىڭ فەيسبۋكتاعى پاراقشاسىنان
