تۇركيالىق ب ا ق قازاقستاننىڭ ءتولقۇجاتىن «ەڭ مىقتى» دەپ باعالادى

استانا. قازاقپارات - تۇركيا راديو تەلەديدار اگەنتتىگى قازاقستان مەن قىرعىزستاننىڭ ءتولقۇجاتتارى ورتالىق ازيادا «ەڭ مىقتى» دەپ تانىلدى، دەپ حابارلادى.

اتالعان اقپارات كوزى بۇنى «Passport Index» اگەنتتىگىنىڭ جاريالاعان دەرەگىنە سۇيەنە وتىرىپ مالىمدەگەن.

«ۆيزا تاڭداۋى تۇرعىسىنان «Passport Index» اگەنتتىگى ەلدەردىڭ ءتىزىمىن جاريالادى. تىزىمدە قازاقستان مەن قىرعىزستاننىڭ ءتولقۇجاتتارى ورتالىق ازيادا «ەڭ مىقتى» دەپ تانىلدى. اگەنتتىك تىزىمىندە ءتولقۇجاتتىڭ «مىقتىلىعى» ۆيزاسىز بارا الاتىن ەلدەر سانىنا قاراي انىقتالدى. ازاماتتارى 71 ەلگە ۆيزاسىز بارا الاتىن قازاقستان اتالمىش تىزىمدە 56- كەزەكتە. قىرعىزستان بولسا 58 ەلگە ۆيزاسىز بارا الادى. ول تىزىمدە 68- كەزەكتە. تاجىكستان ازاماتتارى 54 ەل، تۇرىكمەنستان ازاماتتارى 48 ەلگە ۆيزاسىز بارا الادى. تىزىمدە گەرمانيا مەن سينگاپۋر ءبىرىنشى ورىندا تۇر. وسى ەلدىڭ ازاماتتارى 158 ەلگە ۆيزاسىز بارادى. اۋعانستان بولسا ەڭ سوڭعى ورىندا تۇر. وسى ەلدىڭ ءتولقۇجاتىنا يە ازاماتتار تەك 24 ەلگە ۆيزاسىز بارا الادى» دەپ جازادى تۇركيالىق trt.net.tr اگەنتتىگى.

اۆتور: بەيسەن سۇلتان