تۇركيادا شىعاتىن جۋرنالدا «حاليفا التاي» مەشىتى تۋرالى جازىلدى

استانا. قازاقپارات - تۇركيادا قازاق جانە تۇرىك تىلدەرىندە شىعاتىن «قازاق ەلى» اتتى جۋرنالعا شىعىس قازاقستان وبلىستىق «حاليفا التاي» مەشىتى تۋرالى تانىستىرۋ ماقالا شىقتى، دەپ حابارلايدى ق م د ب باسپا ءسوز قىزمەتى.

ماتەريالدا وبلىستىق مەشىتتىڭ سالىنۋ تاريحىمەن قاتار جاسالىپ جاتقان شارالار تۋرالى وقىرماندارعا كەڭىنەن ماعلۇمات بەرىلگەن.

اسىرەسە قايىرىمدىلىق جانە رۋحاني باعىتتاعى اتقارىلعان جۇمىستار مولىنان قامتىلعان.

جۋرنال مول تارالىممەن بىرنەشە ەۋرپا مەملەكەتتەرىندەگى قازاق وقىرماندارىنا تارايدى.

«شەتەلدىك باسىلىمدا ءبىزدىڭ مەشىتىمىز تۋرالى جازىلعانى زور مارتەبە. بۇل ەلىمىزدەگى مەشىتتەردىڭ قىزمەتىن ناسيحاتتاۋ، اسىل ءدىنىمىزدى تانىتۋ بولىپ تابىلادى. تۋرا جول-يسلامنىڭ مەرەيى اركەز ۇستەم بولا بەرسىن»، - دەيدى، وسى مەشىتتىڭ نايب يمامى داۋلەت قابيدولدين.