07:22, 18 - شىلدە 2017 | GMT +6
ۋفا مەرى استاناداعى باشقۇرت ورتالىعىنا ۇلتتىق كيىمدەردى سىيعا تارتپاق
استانا. قازاقپارات - «اقبوزات» باشقۇرت ەتنومادەني بىرلەستىگىنىڭ بەلسەندىلەرى ۋفا قالاسىنىڭ باسشىسى يرەك يالالوۆپەن كەزدەستى، دەپ حابارلايدى اكىمنىڭ رەسمي سايتى.
كەزدەسۋ بارىسىندا قازاقستاندىق باشقۇرتتاردىڭ تاريحي ەلىمەن بايلانىسى، ىقپالداستىق ماسەلەلەرى تالقىلاندى. ۋفا قالاسىنىڭ مەرى جاس ەتنومادەني بىرلەستىكتى قولداۋعا كەلىسىم بەرىپ، الداعى ۋاقىتتا «اقبوزات» بىرلەستىگىنە ۇلتتىق ناقىشتاعى كيىمدەردى سىيعا تارتۋعا ۋادە ەتتى.
كەزدەسۋگە ەكى تاراپ تا قىزىعۋشىلىق تانىتتى. باشقۇرتستاننىڭ دەلەگاتسياسى باشقۇرتتاردىڭ ءبىزدىڭ ەلىمىزدە، قازاقستاندا تۇرۋ جاعدايى مەن ۇلتتىڭ ساقتالۋى سىندى ماسەلەلەرگە قىزىعۋشىلىق تانىتتى دەيدى، ەتومادەني ورتالىقتىڭ وكىلدەرى.
ايتا كەتكەن ءجون، قازاقستاندا 1700 دەن استام بۇشقۇرت بار، استانادا 1000 عا جۋىعى تۇرادى. «اقبوزات» - قازاقستانداعى ەكىنشى باشقۇرت مادەني ورتالىعى. ءبىرىنشىسى اقتاۋدا جۇمىس ىستەيدى.
