ۇشاقتىڭ ۇشۋىن جاقىننان باقىلاپ تۇرعان ايەل لاينەر ەكپىنىنە شىداماي كوز جۇمدى
بۇل جەرمەن ۇشاقتار جەرگە اسا جاقىن قاشىقتىقتا ۇشىپ وتۋگە ءماجبۇر بولادى ەكەن.
57 جاستاعى ايەل اۋەجاي قورشاۋىنان ۇستاپ ۇشاقتى باقىلاپ تۇرعان. الايدا لايگەردىڭ قوزعالتقىشىنان شىعىپ تۇرعان اۋا اعىنى ايەلدى جانىشتاپ تاستاعان. تۋريست قۇلاپ، بەتون قابىرعاعا باسىمەن سوعىلعان. ونى جەدەل تۇردە اۋرۋحاناعا جەتكىزگەنىمەن، قۇتقارىپ قالۋ مۇمكىن بولماعان.
كاريب تەڭىزىندەگى سەن-مارتەن جاعالاۋى ەكى مەملەكەتتىڭ اۋماعىندا - فرانسيا مەن گوللاندياعا ءبولىنىپ جاتىر. يۋليانا حانشايىم اۋەجايى مەن ماحو جاعالاۋى گوللانديا تاراپىندا. ۇشاقتاردىڭ ۇشۋىن وتە جاقىننان تاماشالاۋ مۇمكىندىگىنە بايلانىستى بۇل جاعالاۋدىڭ تانىمالدىلىعى وتە جوعارى.
يۋليانا حانشايىم اۋەجايى الەمدەگى ەڭ قاۋىپتى اۋەجايلاردىڭ ءبىرى سانالادى. ونىڭ ۇشىپ- قونۋ جولاعىنىڭ ۇزىندىعى نەبارى 2300 مەتردى قۇرايدى.
