قازاقستان مەن جىجياڭ اراسىندا ساۋدا- ەكونوميكالىق بايلانىس قارقىن الدى

بەيجىڭ. قازاقپارات - قازاقستان مەن قىتايدىڭ جىجياڭ پروۆينسياسى اراسىندا ساۋدا - ەكونوميكالىق بايلانىس جىل وتكەن سايىن جاندانىپ كەلەدى.

بۇل تۋرالى قىتاي ەلىنە ساپارمەن بارعان قازاقستاندىق جەتەكشى ب ا ق وكىلدەرىمەن كەزدەسكەن جىجياڭ پروۆينسياسى اكىمشىلىگىنىڭ حالىقارالىق بايلانىس باسقارماسىنىڭ باسشىسى پان پو ايتتى، دەپ حابارلايدى "قازاقپارات" ح ا ا ءتىلشىسى.

جىجياڭ پروۆينسياسى قىتايدىڭ وڭتۇستىك شىعىسى بولىگىندە ورنالاسقان. جەر اۋماعى 26 مىڭ شارشى شاقىرىمدى قۇرايدى. 10 مىڭ عاسىر تاريحى بار پروۆينسيا كەزىندە حاڭجوۋ قالاسىنىڭ، 2  جىل قىتايدىڭ استاناسى بولعان. پان پو مىرزانىڭ ايتۋىنشا، اسەم تابيعاتىمەن تانىمال پروۆينسيانىڭ ەكونوميكاسى سوڭعى جىلدارى قارىشتاپ وسۋدە.

ماسەلەن، وتكەن جىلى پروۆينسيانىڭ ىشكى ءونىم كولەمى 700 ميلليارد ا ق ش دوللارىنا جۋىقتاعان. قىتايدىڭ ەڭ ۇلكەن نارىعى بولىپ سانالاتىن پروۆينسيادا 4 مىڭنان استام ساۋدا الاڭدارى بار. وعان قوسا، جىجياڭ ەلەكتروندىق ساۋدا جانە جەلىلىك ساۋدا پلاتفورماسى جاعىنان العاندا الەمدە كوش باستاپ تۇر.

ايماقتىڭ اسەم تابيعاتىنىڭ ارقاسىندا مۇندا ىشكى جانە سىرتقى تۋريزم دە جاقسى دامىعان. وتكەن جىلى مۇندا 573 ميلليون قىتايلىق جانە 11,2 ميلليون شەتەلدىك تۋريست كەلىپ كەتتى. ودان بيۋدجەتكە 117 ميلليارد دوللار كىرىس كىرگەن.

«جىجياڭ پروۆينسياسى ەرتە كەزدەن "ۇلى جىبەك جولى" ارقىلى ازيا جانە ەۋروپانى بايلانىستىرىپ كەلەدى. قازىرگى كەزدە «ءبىر بەلبەۋ - ءبىر جول» جوباسى جۇزەگە اسىرىلۋدا. بۇل ايماققا الەمنىڭ 200 استام ەلدەرىمەن ساۋدا- ەكونوميكالىق بايلانىس جاساۋعا مۇمىكىندىك بەرمەك. بۇل ەلدەردىڭ اراسىندا قازاقستان رەسپۋبليكاسى دا بار. وتكەن جىلى جىجياڭ پروۆينسياسى مەن قازاقستان اراسىندا ساۋدا اينالىمىنىڭ كورسەتكىشى 500 ميلليون ا ق ش دوللارىن قۇرادى. دۇنيەجۇزى ەكونوميكاسىنىڭ قارقىندى دامۋى جاعدايىندا ەلدەردىڭ ءوزارا رەسۋرستار الماسۋىنىڭ الەۋەتى جوعارى. وسى ورايدا قازاقستان مەن قىتايدىڭ جىجياڭ پروۆينسياسىنىڭ اراسىندا ساۋدا- ەكونوميكالىق بايلانىسىنىڭ الەۋەتى جوعارى»، - دەپ اتاپ ءوتتى پان پو مىرزا.