عارىشكەرلەر عارىشتان ق ر ۇلتتىق قاۋىپسىزدىك كوميتەتىنىڭ قىزمەتكەرلەرىن قۇتتىقتادى
«ق ر ۇلتتىق قاۋىپسىزدىك كوميتەتىنىڭ باسشىلىعى مەن جەكە قۇرامىن ۆەدومستۆونىڭ قۇرىلعانىنا 25 جىل تولۋىمەن قۇتتىقتايمىز. سىزدەردىڭ سان جىلعى تاجىريبەلەرىڭىز بەن قول جەتكىزگەن جوعارى كاسىبي شەبەرلىكتەرىڭىز بۇدان كەيىن دە قازاقستان رەسپۋبليكاسىنىڭ قاۋىپسىزدىگىن قامتاماسىز ەتۋگە ولشەۋسىز ۇلەس قوسا بەرسىن. بۇگىن سىزدەردىڭ قۇرمەتتەرىڭىزگە ءبىز اسا زور قۇرمەتپەن عارىش وربيتاسىنا قر ۇلتتىق قاۋىپسىزدىك كوميتەتىنىڭ جالاۋشاسىن كوتەرەمىز»، - دەپ مالىمدەدى ح ع س-51 ەكيپاجىنىڭ عارىشكەرلەرى وزدەرىنىڭ ۆيدەوقۇتتىقتاۋىندا.
«قۇرمەتتى ۇلتتىق قاۋىپسىزدىك كوميتەتىنىڭ قىزمەتكەرلەرى! سىزدەرگە زور دەنساۋلىق، باقىت، قىزمەتتە تابىس تىلەيمىز! ەل امان، جۇرت تىنىش بولسىن!»، - دەيدى قوس عارىشكەر.
ەسكە سالا كەتەيىك، 1992 -جىلى شىلدەنىڭ 13 ى كۇنى پرەزيدەنت جارلىعىمەن قازاقستان رەسپۋبليكاسىنىڭ ۇلتتىق قاۋىپسىزدىك كوميتەتى قۇرىلدى.
تاۋەلسىز قازاقستاننىڭ ۇلتتىق قاۋىپسىزدىك ورگانىنىڭ تاريحى وسى كۇننەن باستاۋ الادى.
اۆتور: ەربول جانات
