قازاقپارات نەمىس اقپارات اگەنتتىگىمەن ىنتىماقتاستىق ورناتتى
شارا اياسىندا «قازاقپارات» حالىقارالىق اقپارات اگەنتتىگىنىڭ باسشىسى اسقار ۋماروۆ گەرمانيانىڭ DPA اقپارات اگەنتتىگىمەن ىنتىماقتاستىق تۋرالى مەموراندۋمعا قول قويدى.
«بۇل مەموراندۋم اقپارات الماسۋ، بىرلەسكەن اقپاراتتىق جوبالاردى قۇرۋ مۇمكىندىگى جونىندە ىنتىماقتاستىقتىڭ باستالۋىن بىلدىرەدى. جىل سوڭىنا دەيىن كەڭەيتىلگەن قۇرامدا كەزدەسىپ، بىرلەسكەن جوبالاردى، سونىمەن بىرگە اقپارات الماسۋدىڭ كوممەرتسيالىق جانە كوممەرتسيالىق ەمەس ادىستەرىن تالقىلاۋدى جوسپارلاپ وتىرمىز»، - دەدى ا. ۋماروۆ.
اتالعان مەموراندۋمنان بولەك، ءتۇرلى سالاداعى قازاقستاندىق- گەرمانيالىق كاسىپورىندار اراسىندا ىنتىماقتاستىق تۋرالى قۇنى 973 ميلليون ەۋرو بولاتىن تاعى 20 قۇجاتقا قول قويىلدى. اتاپ ايتقاندا، ق ر ينۆەستيتسيالار جانە دامۋ مينيسترلىگى مەن گەرمانيالىق DENA ەنەرگەتيكالىق اگەنتتىگىمەن ەنەرگيا ۇنەمدىلىك سالاسىندا ءوزارا ىنتىماقتاستىق ورناتۋ، قازاقستان مەن گەرمانيانىڭ ماشينا جاساۋ وداعىمەن ماشينا جاساۋ سالاسىندا ءوزارا ارەكەتتەستىك جانە ىنتىماقتاستىق ورناتۋ، ق ر ي د م ينۆەستيتسيا كوميتەتىمەن «Asadel International B.V» كومپانياسىمەن ءوزارا ىنتىماقتاستىق ورناتۋ، ق ر ي د م ينۆەستيتسيا كوميتەتى مەن «Heildelbergcement» كومپانياسى اراسىندا ءوزارا ىنتىماقتاستىق ورناتۋ مەموراندۋمدارىنا قول قويىلدى.
ق ر ينۆەستيتسيالار جانەدامۋ ءمينيسترى جەڭىس قاسىمبەك قازاقستان ەكونوميكاسى ءۇشىن ءىرى نەمىس كومپانيالارىنىڭ ماڭىزدى ينۆەستورلار ەكەنىن اتاپ ءوتتى.
«بۇگىندە ق ر ۇكىمەتى ەلدەگى ينۆەستيتسيالىق احۋالدى جاقسارتۋ بويىنشا بەلسەندى جۇمىس ىستەپ جاتىر. بيىل ءبىز ەكونوميكالىق ىنتىماقتاستىق جانە دامۋ ۇيىمى ينۆەستيتسيالار كوميتەتىنىڭ قاۋىمداستىرىلعان مۇشەسى بولدىق. 2005 -جىلدان بەرى قازاقستانعا تارتىلعان تىكەلەي شەتەلدىك ينۆەستيتسيالاردىڭ جالپى كولەمى شامامەن 250 ميلليارد ا ق ش دوللارىن قۇرادى. بۇل ورتالىق ازيا ايماعىنداعى ۇزدىك كورسەتكىش»، - دەدى مينيستر.
اۆتور: ايجان سەرىكجان قىزى
