الەمدە ۇلكەن سۇرانىسقا يە كوممەرتسيالىق كىتاپ قازاق تىلىندە جارىق كوردى
كىتاپتىڭ تانىستىرىلىمى «ەكسپو-2017» كورمەسى اياسىندا ءوتىپ وتىر. بۇل رۋحاني جاڭعىرۋ تۇجىرىمداماسى اياسىنداعى الەمنىڭ ەڭ ۇزدىك 100 كىتابىن قازاق تىلىنە اۋدارۋ يدەياسىنا ساي كەلەدى، دەپ حابارلايدى قازاقپارات.
قازىرگى الەم تاريحىنداعى ەڭ اۋىر كەزەڭدەردىڭ ءبىرى - وتىز جىلعا جۋىق ۋاقىتقا سوزىلعان ك س ر و مەن باتىس اراسىنداعى تەكەتىرەس ەكەنى بەلگىلى. «قىرعي قاباق» اتالاتىن وسى كەزەڭ سۋرەتتەلەتىن بۇل كىتاپتىڭ قازاق تىلىنە اۋدارىلۋى - قازاق تىلىندەگى ساپالى كىتاپتاردىڭ بازاسىن تولىقتىرۋعا اسەرىن تيگىزەدى.
اۆتور بۇل كىتاپتا جۋرناليست، ساياساتتانۋشى، تاريحشى رەتىندە جۇمىس ىستەگەن. كىتاپتا قىرعي- قاباق سوعىسى كەزەڭىندەگى بەرلين قابىرعاسىنىڭ قۇرىلىسىنا قاتىستى وقيعالار مەن ساياساتكەرلەر كورىنىسىن سۋرەتتەگەن. بۇرىن قۇپيا بوپ سانالىپ كەلگەن امەريكالىق، كەڭەس وداعى جانە نەمىس قۇجاتتارىنىڭ اقپاراتتارى پايدالانىلعان.
ف. كەمپتىڭ ەڭبەگى الەمدىك تاريحتا ماڭىزدى شەشىم قابىلدار كەزدەگى ەلدەر الدىنداعى سىناقتار، كوشباسشىلاردىڭ جەكە قاسيەتتەرىنىڭ الەمدىك ماسەلەلەرگە اسەر ەتەتىنىن كورسەتەدى. اقپارات ءۇشىن: فرەدەريك كەمپ - امەريكالىق جۋرناليست جانە ساياساتتانۋشى. بەدەلدى «Wall Street Journal» باسىلىمىندا 25 جىل جۇمىس ىستەگەن. ءتىلشى جانە رەداكتور رەتىندە حالىقارالىق تانىمالدىلىققا يە بولدى.
ءتىلشى رەتىندە شىعىس ەۋروپا، ا ق ش، اۋعانستان، يراك جانە 1980-جىلدارى ليۆانداعى ايتۋلى وقيعالاردىڭ اراسىندا ءجۇرىپ، اقپارات بەرگەن. ءارى پاناماداعى اقش- تىڭ باسىپ كىرۋى كەزەڭىنەن اقپارات تاراتقان. گەرمانيانىڭ بىرىگۋى، كەڭەستىك كوممۋنيزمنىڭ كۇيرەۋىن بايانداعان. 
1991 -جىلدىڭ 1 -جەلتوقسانىنان بەرى «اتلانتيكالىق كەڭەس» باس ديرەكتورى جانە پرەزيدەنتى قىزمەتىن اتقارادى. ول باسقارعان «اتلانتيكالىق كەڭەس» ءبىراز جەتىستىككە جەتتى. قىزمەتكەرلەر سانى ارتىپ، حالىقارالىق قاۋىپسىزدىك، بيزنەس پەن ەكونوميكا، ەنەرگەتيكا مەن قورشاعان ورتا سەكىلدى سالالارداعى ءوز ىقپالىن ارتتىردى.
اۆتور: قانات مامەتقازى ۇلى
