ورالدا قولونەر شەبەرلەرىنىڭ كورمەسى ءوتتى - فوتو

ورال. قازاقپارات - استانا كۇنىنە وراي ورالداعى د. نۇرپەيىسوۆا كوشەسى بويىندا «اقجايىق - شەبەرلەر قالاسى» اتتى قولونەر شەبەرلەرىنىڭ كورمەسى ءوتتى، دەپ حابارلايدى «قازاقپارات» ءتىلشىسى.

وبلىس پەن قالا باسشىلىعىنىڭ قولداۋىمەن ب ق و ازاماتتىق اليانسى ۇيىمداستىرعان كورمەدە ەلۋدەن استام قولونەر، ءمۇسىن جانە قىلقالام شەبەرلەرى ءوز تۋىندىلارىن ۇسىندى.

اتالمىش اليانس جەتەكشىسى ايگۇل تۇركينانىڭ ايتۋىنشا، شارا ماقساتى - ەلباسىنىڭ «بولاشاققا باعدار: رۋحاني جاڭعىرۋ» باعدارلاماسىنا سايكەس ۇلتتىق ونەرىمىزدى ناسيحاتتاپ، ەل ىشىندەگى شەبەرلەردى كوپشىلىككە تانىتۋ.

كورمەگە ات ابزەلدەرى، ءتۇرلى كارتينا، قۇمىرا، كورپە-كوپشىك، بەسىكتەردەن باستاپ مونشاق، سىرعا، ساقينا، زەرگەرلىك تۋىندىلارعا دەيىن قويىلعان. بۇلاردىڭ ءبىرقاتارى ەكسپو-2017 كورمەسى قوناقتارىنىڭ نازارىنا ۇسىنىلاتىن بولادى.

كورمەگە م. وتەمىسوۆ اتىنداعى باتىس قازاقستان مەملەكەتتىك ۋنيۆەرسيتەتى، وبلىستىق تاريحي- ولكەتانۋ مۋزەيى، وبلىستىق بالالار- جاسوسپىرىمدەر ءتۋريزمى جانە ەكولوگيا ورتالىعى سەكىلدى مەكەمەلەر دە بەلسەنە قاتىسىپ، كەلۋشىلەردى ءوز ونىمدەرى، كوللەكسيا، جادىگەرلەرىمەن تانىستىردى. بولاشاقتا اربات دەپ اتالاتىن وسى جەردە مۇنداي
كورمەلەردى ءجيى ۇيىمداستىرۋ كوزدەلۋدە.

اۆتور: ەلجان ەرالى